სროლა კლუბ "ბასიანთან" - დაკავებულია ერთი პირი

  • pia.ge
  • 12 იანვარი 11:05

კლუბ "ბასიანთან" მომხდარი დაჭრის ფაქტი შინაგან საქმეთა სამინისტრომ ცხელ კვალზე გახსნა.

როგორც PIA.GE -ს უწყების საზოგადოებასთან ურთიერთობის სამსახურიდან აცნობეს, დიდუბე-ჩუღურეთის სამმართველოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, ორი ან მეტი პირის განზრახ მკვლელობის მცდელობისა და ცეცხლსასროლი იარაღის მართლსაწინააღმდეგო შეძენა-შენახვა-ტარების ბრალდებით, 1980 წელს დაბადებული ბ.ჩ. ცხელ კვალზე დააკავეს.


მათივე ინფორმაციით, მის მიერ ჩადენილი დანაშაული 16-დან 20 წლამდე ან უვადო  თავისუფლების
აღკვეთას ითვალისწინებს.


"გამოძიებით დადგინდა, რომ დაკავებულმა, მიმდინარე წლის 12 იანვარს, კლუბ "ბასიანის" შესასვლელთან ცეცხლასროლი იარაღიდან განახორციელა რამდენიმე გასროლა, რის შედეგადაც ჭრილობები მიაყენა 3 პირს - 1993 წელს დაბადებულ თ.ა.-ს, 1987 წელს დაბადებულ ბ.ჭ.-ს და 1995 წელს დაბადებულ დ.ც.-ს. და
ადგილიდან მიიმალა. დაშავებულები სასწრაფო სამედიცინო დახმარების ჯგუფმა საავადმყოფოში გადაიყვანა. მათ სიცოცხლეს საფრთხე არ ემუქრება. სამართალდამცველებმა ბ.ჩ. მომხდარიდან მალევე, ცხელ კვალზე, მისივე საცხოვრებელ სახლთან დააკავეს. დაკავებულის პირადი ჩხრეკისას ნივთმტკიცებად
ამოღებულია დანაშაულის ჩადენის ცეცხლსასროლი იარაღი , 6 ცალი დანა და 23
ცალი ვაზნა. გამოძიება საქართველოს სისხლის სამართლის კოდექსის 19-109-ე მუხლის მე-3
ნაწილის "ა" ქვეპუნქტითა და 236-ე მუხლის მე-3 და მე-4 ნაწილებით მიმდინარეობს, რაც ორი ან მეტი პირის განზრახ მკვლელობის მცდელობასა და ცეცხლსასროლი იარაღის მართლსაწინააღმდეგო შეძენა- შენახვა-ტარებას გულისხმობს", - აღნიშნულია შსს-ს განცხადებაში.


სრული ვერსიის ნახვა pia.ge