"შეიძლება ყოველ წუთში მომკლან, მცემეს, მომწამლეს, ვერ ვინძრევი"- ვინ ემუქრება მოკვლით დედაოს

  • 14 დეკემბერი 12:02, 2019 წელი

ლესელიძის ქუჩაზე მდებარე ჯვრის მონასტერში მოღვაწე სასულიერო პირი დედა თამარი (ქევხიშვილი) "2020NEWS"-თან ექსკლუზიურ ინტერვიუში აცხადებს, რომ მეუფე იაკობი (იაკობაშვილი) მოკვლით ემუქრება.

ასევე, როგორც დედაო აღნიშნავს, მას საქართველოს კათოლიკოს-პარტრიარქის, ილია II-ის მდივან-რეფერენტი შორენა თეთრუაშვილიც ებრძვის.


დედა თამარი (ქევხიშვილი): ლოგინში ვწევარ, მოწამლული ვარ. გარეთ არ მახედებენ. ფაქტობრივად, შინა პატიმრობა მომისაჯეს. მომწამლავი წამალი მეუფე იაკობმა და შორენამ არ დამალევინეს, მაგრამ მათ იციან, ვის მიერაც ვარ მოწამლული და რაც უძღოდა წინ ჩემს მოწამლას. ამ ფაქტის შემდეგ, იაკობმა შემომითვალა, თუ გინდა მოკვდი, სულ არ მაინტერესებსო.


- დედა თამარ, ვინ მოგწამლათ?


- პირდაპირ ვიცი ვინც მომწამლა. ეს სისხლის სამართლის საქმეა. კიდევ ვიმეორებ, ვისგანაც ვარ მოწამლული მეუფე იაკობმა და შორენამ იციან, ამიტომ იქნებ მათ შეეკითხოთ. თაგვის წამალი საჭმელში ერთ-ერთმა დედაომ ერთ-ერთი მამაოს დავალებით ჩამიყარა. შემდეგ ამ დედაოს დაჰკიდეს ჯვარი და იღუმენიად აკურთხეს. 


- ვინ არის მამაო, რომელის დავალებით მოგწამლეს და რა მიზეზით?


- სახელს არ დავასახელებ. ერთ-ერთი მამაო გადაკიდებული მყავდა, რომელმაც წყნეთში ყოფნის პერიოდში დამირეკა და მითხრა, რომ ეკლესიაში აღარ დავბრუნებულიყავი. მანვე მითხრა, რომ  ჩვენ ეკლესიაში ზვიადისტებს არ ვიღებთ და თუ დაბრუნდები, საჭმელს არ გაჭმევო.


- რა კავშირშია ამ საქმესთან მეუფე იაკობი და შორენა თეთრუაშვილი?


- იაკობი და შორენა ამ საქმესთან პირდაპირ კავშირშია. მეუფე იაკობი ყოველთვის მითვლიდა, რომ თავიც რომ მოიკლა, არაფერი დაშავდებაო. იაკობი დღესაც მითვლის, მოგაშორებ ეკლესიიდანო. ვერც შორენა და ვერც იაკობი ზვიად გამსახურდიას ვერ იტანდნენ. ჩემს სახლში მანანა არჩვაძემ მეუფე იაკობი ძალიან გალანძღა.


- უფრო კონკრეულად, მეუფე იაკობი რატომ გემუქრებათ?


- არ იცით, რომ იაკობი შეურაცხადია?! ზვიადის დროს ხალხს ხოცავდა, არანორმალური, ლოთი, ყაჩაღი და მკვლელია. საპატრიარქოს ფონდი საკუთარ თავზე მოირგო. სხვისთვის სამკურნაოდ ლარიც კი არ ემეტება. იაკობი ადამიანი არ არის.


- შანტაჟისა და მუქარის გამო, აპირებთ მეუფე იაკობს უჩივლოთ?


- ჩივილს არ ვაპირებ და ამასაც გეტყვით რატომაც. მაგრამ ხალხმა მინდა იცოდეს, რომ ყოველ წუთში შეიძლება მომკლან. გაზიც შემომიშვეს. იღუმენიამ მცემა. ეს არ არის საკმარისი დანაშაული?! ღმერთს ვარ მინდობილი. რასაც ვამბობ, ეს არის  მართალი. რომ ვიჩივლო იაკობს მოვუგებ?!  მოუგებ კაცს, რომელიც უშიშროების გენერალია?!


- თქვენ ფლობთ ინფორმაციებს, რომლებიც მაღალი სასულიერო პირებისთვის საფრთხის შემცველია?


- დიახ, ბევრ ინფორმაციას ვფლობ. თუმცა ამჟამად, ასეთ სიტუაციაში, ამის შესახებ  ვერ ვისაუბრებ.


წაიკითხეთ სრულად.