მსოფლიოში შიმშილით უფრო მეტი ადამიანი დაიღუპება, ვიდრე კორონავირუსით

  • imedinews.ge
  • 12 ივლისი 17:35

მსოფლიოში კორონავირუსის პანდემიით გამოწვეული შიმშილით უფრო მეტი ადამიანი დაიღუპება, ვიდრე კორონავირუსით.

გამოქვეყნებულ ინფორმაციაში წერია, რომ 2020 წლის ბოლოსთვის მსოფლიოში შიმშილით ყოველდღიურად 12 000 ადამიანი დაიღუპება. შედარებისთვის, კოვიდ 19-ით გარდაცვალების ყველაზე მეტი შემთხვევა მსოფლიოში 17 აპრილს დაფიქსირდა, როდესაც ვირუსით 8890 ადამიანი გარდაიცვალა.


„პანდემია ბოლო წვეთია იმ ადამიანებისთვის, ვინც კონფლიქტების, კლიმატის ცვლილების და სასურსათო კრიზისის შედეგებს ებრძვის. მათი მდგომარეობა წლის ბოლომდე უკიდურესად დამძიმდება,“ - აღნიშნულია მოხსენებაში.


პანდემიით გამოწვეულ ყველაზე მძიმე შედეგებს ექსპერტები იემენში, კონგოს დემოკრატიულ რესპუბლიკაში, ავღანეთში, ვენესუელაში, დასავლეთ აფრიკაში, ეთიოპიაში, სუდანში, სამხრეთ სუდანში, სირიასა და ჰაიტიში ელიან.

სრული ვერსიის ნახვა imedinews.ge