ინაშვილი: „ქართული ოცნება“ დიდი ხანია გამოცხადებული ჰყავთ რუსეთის აგენტ ხელისუფლებად

  • 3 ივლისი 12:32

„პატრიოტთა ალიანსის“ ლიდერი ირმა ინაშვილი სოციალურ ქსელში საქართველოს წინასაარჩევნო პერიოდის შესახებ პოსტს აქვეყნებს.

„არჩევნების წინ „ქართული ოცნება“, ვატყობ, გულმოდგინედ ცდილობს პოლიტიკური პარტიების დახარისხებას სხვადასხვა მიმართულების პარტიებად და ძირითად აქცენტს იმაზე აკეთებს, რომ ჩვენ, საქართველოს პატრიოტები, თურმე, პრორუსული პარტია ვართ. არადა, თავად „ქართული ოცნება“ დიდი ხანია, ცნობილ კრიმინალურ-პოლიტიკურ ჯგუფებს გამოცხადებული ჰყავთ რუსეთის აგენტ ხელისუფლებად და ამაზე სენატორების, კონგრესმენების, თუ რიგი ევროდეპუტატების განცხადებებიც მეტყველებს.


ამიტომ ვიდრე „ქართული ოცნება“ იმას ჯახირობს, როგორ დაგვაბრალოს ბომბეიდან ლონდონამდე გვირაბის გაყვანა, უმჯობესია, საკუთარ, რუსულ იმიჯზე იფიქროს და, სხვათა შორის, კონტაქტებზეც. ჯერ ამ პოსტით დავიწყებ,“ - წერს ინაშვილი.