მკვლელობა ვერცხლის ქუჩაზე - სასამართლომ ხუთივე დაკავებული დარბაზიდან გაათავისუფლა

  • rustavi2.ge
  • 20 ნოემბერი 11:45

ზვიად ჯაფარიძის მკვლელობის საქმეზე დაკავებული ხუთივე პირი სასამართლომ სხდომათა დარბაზიდან გაათავისუფლა.

ერთ-ერთი დაკავებულის ადვოკატის ინფორმაციით, სასამართლო განხილვების 9-თვიანი ვადა უკვე გადიოდა, ასევე, საქმის მსვლელობისას ნათელი გახდა, რომ დაკავებული პირების ბრალდება არასწორად მოხდა. დაკავებულები გირაოს გადახდის გარეშე გაანთავისუფლეს.


"9 თვის განმავლობაში ბრალდების მხარემ ვერანაირი მტკიცებულება ვერ წარმოადგინა, რომელიც დაადასტურებდა მისდამი ბრალად შერაცხულ ქმედებას, ამიტომ დღეს სასამართლომ მიიღო გადაწყვეტილება და არა მარტო ჩემი დაცვის ქვეშ მყოფი, არამედ ყველა პირი გაათავისუფლა,“- განაცხადა ლაშა სიხარულიძის ადვოკატმა გიორგი ანთაძემ და იმედი გამოთქვა, რომ სასამართლო სამართლიან გადაწყვეტილებას მიიღებს და ამ პირებს უდანაშუალოდ ცნობს.


ამავე საქმესთან დაკავშირებით, ძებნაში რჩება 40 წლის მამაკაცი - მას ზვიად ჯაფარიძის განზრახ მკვლელობაში ადანაშაულებენ.


მკვლელობა მიმდინარე წლის თებერვალში, ვერცხლის ქუჩაზე მოხდა - ზვიად ჯაფარიძეს ავტომობილიდან რამდენჯერმე ესროლეს.


 

სრული ვერსიის ნახვა rustavi2.ge