რა უნდა გააკეთოთ კვირის კონკრეტულ დღეს იმისთვის, რომ წარმატებული იყოთ?

  • თბილისელები
  • 20 ივნისი 21:28

ამბობენ კონკრეტული ქმედება სწორედ კვირის განსაზღვრულ დღეს უნდა დაგეგმოთ, რათა ბარიერებს, წინაღობებსა თუ პრობლემებს აარიდოთ თავიო.

ორშაბათი – ამ დღეს მოგზაურობა ან დიდ მანძილზე გადაადგილება არ უნდა დაგეგმოთ, რადგან არსებობს დიდი ალბათობა, გზაზე სხვადასხვა უსიამოვნო შემთხვევას გადააწყდეთ. არ არის სასურველი, რაიმე ახლის წამოწყება, რადგან გაგიჭირდებათ მისი ბოლომდე მიყვანა, მოგებასაც ვერ ნახავთ და კარგი არაფერი გამოვა. უმჯობესია, ამ დღეს, მიმდინარე, ყოველდღიური საქმეებით შემოიფარგლოთ და ახალი საქმის დაწყებით, დამატებითი სასიცოცხლო ენერგია არ დახარჯოთ. ასევე, გახსოვდეთ, ორშაბათს არ გაასესხოთ ფული, წინააღმდეგ შემთხვევაში, მთელი კვირის განმავლობაში უფულოდ დარჩებით.


სამშაბათი – ამ დღეს სასურველია ახალი საქმის წამოწყება. ის აუცილებლად წარმატებამდე და დადებით შედეგამდე მიგიყვანთ. შესაძლებელია, შორეული მოგზაურობებისა და მივლინებების დაგეგმვა, რადგან ეს დღე ამისთვის ყველაზე ხელსაყრელია. კვირის ამ დღეს არ შეიძლება ვინმესგან ფულის სესხება, რადგან უფულობა იცის და ამიტომ, ნასესხები ფულის დაბრუნება დიდი ხნის განმავლობაში გაიწელება. სამშაბათს კარგია რაიმეს ყიდვა, შეგიძლიათ დიდი თანხაც გადაიხადოთ. შეძენილი აუცილებლად მოგიტანთ მორალურ კმაყოფილებას და დიდხანს მოგემსახურებათ.


ოთხშაბათი – ძველად ამ დღეს „მზაკვრულს“ უწოდებდნენ, რადგან სწორედ ოთხშაბათს ხდებოდა უსიამოვნო შემთხვევები. ოთხშაბათს სასურველი არ არის ახალ საცხოვრებელ ადგილზე გადასვლა, წინააღმდეგ შემთხვევაში, ახალ სახლში წარუმატებლობა დაისადგურებს. არ შეიძლება საუბრები ბოროტ სულებსა და სხვა ბნელ ძალებზე, თორემ, ნეგატიურ ენერგიას მოიზიდავთ და თავს უბედურება და უიღბლობა დაგატყდებათ. ოთხშაბათს კარგია ღვეზელების ან ტკბილეულის გამოცხობა. ეს ოჯახს სიმდიდრეს მოუტანს. შეგიძლიათ, საყიდლებზე წასვლაც, რადგან ამ დღის შენაძენი აუცილებლად სასარგებლო, მომგებიანი და წარმატებული იქნება.


ხუთშაბათი – ვალების დაბრუნება, სწორედ, ხუთშაბათს არის რეკომენდებული. ამ გზით კარგი ფინანსური შემოსავლებით მთელი თვე იქნებით უზრუნველყოფილი. ახალგაზრდა ქალები, რომლებსაც მამაკაცის გულის მონადირება სურთ, თავიანთ რჩეულს, აუცილებლად ხუთშაბათს უნდა გაუმასპინძლდნენ რაიმე გემრიელით.


პარასკევი – თუ ამ დღეს კარგი სიზმარი ნახეთ, სანამ დღე არ დასრულდება, აუცილებლად მოუყევით შვიდ სხვადასხვა ადამიანს. მიიჩნევა, რომ ასეთ შემთხვევაში სიზმარი აუცილებლად აგიხდებათ. გათხოვილმა ქალებმა ამ დღეს თავი არ უნდა დაიბანონ, თორემ ქმართან კონფლიქტი ექნებათ. არ შეიძლება ფრჩხილების დაჭრა, რომ ჯანმრთელობის მხრივ, პრობლემები არ შეგექმნათ. ასევე, არ შეიძლება დილიდანვე იმხიარულოთ, რადგან პარასკევ დღეს, მძიმე ენერგეტიკა აქვს და ზღვარგადასულ მხიარულებას ცრემლების მოზიდვა შეუძლია.


შაბათი – ამ დღეს ახალ სახლში გადასვლა წარმატების მომტანია, რადგან ოჯახში ყოველთვის სიუხვე და სიმშვიდე იქნება. ასევე, კარგია იმიჯის ცვლილება, ახალი ნაცნობობა, საქმიანი და სასიყვარულო შეხვედრები.


კვირა – ამ დღეს, ოჯახის დიასახლისმა დილიდანვე უნდა გააღოს ფანჯრები და ბინაში სუფთა ენერგეტიკა შემოუშვას. ეს მომავალი კვირისთვის ერთგვარი კეთილდღეობის დაბევება, ფინანსური წარმატების მოზიდვა და ცუდი ძალების დაფრთხობის რიტუალია. ეცადეთ, ამ დღეს არაფერი დაკარგოთ, რადგან ეს ცუდის მანიშნებელია.

წყარო: თბილისელები