გაიცანით ექიმი, რომელიც ინფიცირებულებს ოზონოთერაპიით მკურნალობს

  • 27 აპრილი 13:51

ბოლო დღეების განმავლობაში, COVID-19-ზე ოზონოთერაპიით მკურნალობის შესახებ არაერთხელ დაიწერა.

ინფექციური საავადმყოფოს დირექტორმა, თენგიზ ცერცვაძემ განაცხადა, რომ ამ მეთოდით მკურნალობის შემდეგ ვირუსი ორგანიზმიდან მე-7, ან მე-9 დღეს ქრება.


კორონავირუსის წინააღმდეგ ოზონოთერაპია პირველად ბათუმში გამოიყენეს, რომელმაც საკმაოდ წარმატებული შედეგიც აჩვენა.


მკურნალობის მეთოდი თავდაპირველად ბათუმში, კლინიკა „მედალფაში“ გამოიყენეს, რომელსაც სათავეში თბილისის სახელმწიფო სამედიცინო უნივერსიტეტის, ჟვანიას სახელობის პედიატრიის აკადემიურ კლინიკაში ბავშვთა ქირურგიის დეპარტამენტის ასოცირებული პროფესორი და საქართველოს ოზონოთერაპევტთა ასოციაციის თავმჯდომარე ლადო თალაკვაძე უდგას.


თალაკვაძე აცხადებს, რომ ოზონოთერაპიით მკურნალობამ პაციენტებში დადებითი დინამიკა აჩვენა და მალე ამ მეთოდს პირველ საუნივერსიტეტო კლინიკაში და თბილისის ინფექციურ საავადმყოფოშიც გამოიყენებენ.


"გამოჯანმრთელებული პაციენტები მკურნალობის დაწყებამდე სხვადასხვა მახასიათებლით ავარჩიეთ, ახლა მათი კლინიკური მდგომარეობა გაუმჯობესებულია.


ერთი პაციენტი იყო მსუბუქი, ვირუსი ჰქონდა, მაგრამ პნევმონია – არა, დანარჩენ 3 პაციენტთან იყო პნევმონია. იმ პაციენტთან, ვისაც ვირუსი ჰქონდა, მაგრამ პნევმონია არა, ოზონოთერაპიით მკურნალობის შემდეგ არ განვითარებულა პნევმონია, რადგან დროულად დაისვა დიაგნოზი.


იმ პაციენტებს, რომლებსაც ტემპერატურა ჰქონდათ, ეს სიმპტომი მოეხსნათ, ასევე მათ ანალიზებში ყველა მაჩვენებელი ნორმას დაუბრუნდა.


პაციენტები, რომლებიც ჟანგბადზე იყვნენ დამოკიდებულები, ახლა დამოუკიდებლად სუნთქავენ, მათი თირკმლის ფუნქციებიც გაუმჯობესებულია."- ამბობს თალაკვაძე.


წყარო