სოფელ ატოცში უკანონო ბორდერიზაცია ამ ეტაპისთვის არ მიმდინარეობს

  • 20 ოქტომბერი 13:40

ქარელის მუნიციპალიტეტის სოფელ ატოცთან რუსეთის საოკუპაციო ძალები პერიოდულად ჩნდებიან, თუმცა მათ უკანონო ბორდერიზაციის პროცესი ჯერჯერობით არ განუახლებიათ.

ამის შესახებ "პირველს" საქართველოს სახელმწიფო უსაფრთხოების სამსახურში განუცხადეს.


შეგახსენებთ, რომ სოფელ ატოცში საოკუპაციო ხაზზე მავთულხლართებისა და ხელოვნური ბარიერების აღმართვის უკანონო პროცესი საოკუპაციო ძალებმა გუშინ გააგრძელეს. აღნიშნულთან დაკავშირებით, სახემწიფო უსაფრთხოების სამსახურის მიერ გააქტიურებულია ცხელი ხაზი და ინფორმირებულია ევროკავშირის სადამკვირვებლო მისია.


ამასთან გუშინ განცხადება გაავრცელა საქართველოს საგარეო სამინისტრომ, სადაც ნათქვამია, რომ ბოლო დროს ადგილზე უკადურესად გამწვავებული მდგომარეობის ფონზე საოკუპაციო ძალების აღნიშნული ქმედება მიზანმიმართულ პროვოკაციას წარმოადგენს და კიდევ უფრო ამძიმებს ადგილზე უსაფრთხოებისა და ადამიანის უფლებების მხრივ არსებულ რთულ მდგომარეობას.


ცნობილია, რომ საგარეო საქმეთა სამინისტრომ სოფელ ატოცში განვითარებული მოვლენების შესახებ საქმის კურსში ჩაააყენა საერთაშორისო პარტნიორები და მათ სთხოვა, ყველა ზომა მიიღონ ადგილზე პროვოკაციების თავიდან ასაშორებლად.