„თუ პანდემია დროულად არ დასრულდა, შემოსავლის გარეშე დავრჩებით“ – ქობულეთელები

  • 17 აპრილი 11:55

პანდემიის გამო განვითარებული მოვლენებიდან გამომდინარე ქობულეთის მუნიციპალიტეტში მცხოვრებლები უახლოეს პერიოდში მძიმე ეკონომიკური მდგომარეობის დადგომას პროგნოზირებენ.

ზღვისპირა რეგიონში ძირითად შემოსავლის წყაროს ციტრუსის მოსავალი და სეზონურად სასტუმროს ტიპის კოტეჯების გაქირავება წარმოადგენს. ადგილობრივები ამბობენ, რომ სახლებისა და კოტეჯების სარემონტო სამუშაოებითვის როგორც ბანკებიდან, ასევე კერძო მევახშეებისგან დიდი რაოდენობის თანხა აქვთ აღებული.


ვალის დაბრუნებას კორონავირუსთან დაკავშირებული პრობლემების გამო ვეღარ შეძლებენ.


როგორც ადგილობრივი მაცხოვრებელი თეიმურაზ ცინცაძე ამბობს, ქობულეთში თავს ყველა კერძო ბიზნესით ირჩენს. თეიმურაზის მრავალრიცხოვანი ოჯახი ქობულეთის ზღვისპირა ქუჩაზე სამსართულიან მამაპაპისეულ სახლში ცხოვრობს. როგორც ადგილობრივი ამბობს, წლების განმავლობაში სარემონტო სამუშაოები რამდენიმე ათასი ამერიკული დოლარი დაუჯდა.


 სეზონზე დამსვენებელსაც არ უჩიოდა, შესაბამისად სესხის პირობაც არ დაურღვევია, თუმცა ახლა არსებული პრობლემიდან გამოსავალზე ფიქრიც უჭირს.


 „პანდემიის გამო ვერ ჩამოვა დამსვენებელი, არ ვიცი რა გვეშველება, უამრავი სესხისა და გადასახადის ფონზე, რით ვირჩინოთ თავი. სახლებიც რომ არ მოგვეწყო, ტურისტზე დღიურ გაქირავებას ვეღარ შევძლებდით. ახლა კი არც ტურისტია და არც სხვა ქალაქებიდან ჩამოვლენ. თუ დროულად არ დასრულდა ყველაფერი, ჩვენც იგივე ბედი მოგველის, რაც ცოტა ხნის წინ თანაქალაქელს დაემართა – სახლიდან ოჯახით გაასახლეს. ბანკმა მთელი ცხოვრების ნაწვალები რომ გამიყიდოს, წასასვლელიც არსად გვაქვს. აქ თითქმის ყველა კერძო ბიზნესით ირჩენს თავს, “ – აღნიშნავს თეიმურაზ ცინცაძე.


იზოლდა კვესიეშვილის სწრაფი კვების ობიექტი თითქმის ორი თვეა დაკეტილია. მიზეზი ისევ გავრცელებული Covid-19-ია. ქობულეთში მცხოვრებმა პატარა მიწის ნაკვეთზე ჯერ თონე მოაწყო, მერე კი ბიზნესი გააფართოვა და ტერიტორია სწრაფი კვების ობიექტად აქცია.


 საკვებსაც თავად ამზადებდნენ და მომხმარებელსაც ემსახურებოდნენ. პანდემიის გამოცხადების შემდეგ თავი სოფელს შეაფარეს. რომ არა სოფლის მეურნეობა, თავის რჩენის საშუალებაც არ ექნებოდათ, რადგან სწრაფი კვების ობიექტიდან მიღებული შემოსავალი ოჯახის ერთადერთ შემოსავალს წარმოადგენდა.


„10 წლის წინ წამოვედით სოფლიდან, პატარა მიწის ნაკვეთი გვქონდა ქობულეთში და დავიწყეთ ჩვენი სახსრებით ყველაფერი. შვილებიც წამოგვეზარდნენ, მოგეხსენებათ უამრავი რამაა საჭირო, განათლების მიღება კი უმთავრესია. მუშაობა ზამთარ-ზაფხულ შეუჩერებლად გვქონდა, უზრუნველყოფილი თუ არა, რაც აუცილებელია ყველაფერი ჰქონდათ ჩემს შვილებს. ახლა კი ძალიან მეშინია, მგონია ეს ამბავი არასოდეს არ დასრულდება, ვითვალისწინებთ მთავრობის რეკომენდაციებს და ვრჩებით სახლში. არც მეზობელთან გადავდივართ.


წაიკითხეთ სრულად