უამრავ კომპლიმენტს და მოლოცვას ვიღებ – სოფო ბედია ახალ ვიდეოკლიპზე

  • 10 აპრილი 11:50

ვიდეოკლიპის – სახელად STOP COVID – 19 დარჩი სახლში“ – გავრცელების შემდეგ, მომღერალი სოფო ბედია წერს, რომ უამრავ კომპლიმენტს და მოლოცვას იღებს.

მომღერლისთვის გაუგებარია, რატომ გამოიწვია ამხელა კრიტიკა ამ ვიდეოკლიპმა.

„დიდი მადლობა ყველა შეგნებულ და კეთილ ადამიანს. უამრავ კომპლიმენტს და მოლოცვას ვიღებ. აი ისინი, ვინც ამ სიმღერას პოლიტიკურ ჭრილში განიხილავს, ძალიან ზნედაცემულ ადამიანებად მიმაჩნია!

იმის მაგივრად, რომ ერთად დავდგეთ და სიკეთე ვუსურვოთ, გავამხნევოთ ერთმანეთი, ბოროტი ტროლები პოლიტიკურად განიხილავენ და ილანძღებიან.

სირცხვილია ხალხოოო, ასეთი მიდგომით არაფერი გვეშველება. ჩემი და ყველა ამ სიმღერაში მონაწილე ადამიანის კეთილი სურვილია გავუფრთხილდეთ და გვიყვარდეს ერთმანეთი.

ვთქვი და კიდევ ვამბობ, ყველა ისტორიულ მოვლენას თავისი მნიშვნელობა აქვს და შედარებების მოყვანაც ძალიან უხერხულია.

ახლა ჩვენს ქვეყანას ძალიან უჭირს და თუ ერთმანეთი არ გავამხნევეთ, არაფერი არ გვეშველება. სწორედ დღევანდელ პრობლემას მივუძღვენით სრულიად უწყინარი და კეთილი ვიდეორგოლი!“ – წერს სოფო ბედია.