საკარანტინო სივრცეში სექსუალური შევიწროების ფაქტი მოხდა

  • 9 აპრილი 15:00

რეგიონის ერთ-ერთ კარანტინში ექიმის მხრიდან სექსუალური შევიწროების სავარაუდო ფაქტთან დაკავშირებით,  ჯანდაცვის სამინისტრო განცხადებას ავრცელებს.

განცხადებაში ნათქვამია, რომ სექსუალურ შევიწროებაში ბრალდებული პირი არც ჯანდაცვის სამინისტროს და არც გადაუდებელი დახმარების ცენტრის თანამშრომელი არ არის. 


"გვსურს, გამოვეხმაუროთ რამდენიმე მედიასაშუალების მიერ გავრცელებულ ინფორმაციას, რომელიც საკარანტინე სივრცეში სექსუალურ შევიწროებაში ბრალდებულ პირს უკავშირდება. 


ხაზგასმით აღვნიშნავთ, რომ სექსუალურ შევიწროებაში ბრალდებული პირი არ არის ჯანდაცვის სამინისტროს ან/და საგანგებო სიტუაციების კოორდინაციისა და გადაუდებელი დახმარების ცენტრის თანამშრომელი. 


სამინისტრო, შესაბამის ორგანოებთან ერთად, მოახდენს აღნიშნული საკითხის მუდმივ მონიტორინგს და გამოძიების შედეგის შესაბამისად, შემდგომ რეაგირებას." - ნათქვამია განცხადებაში.