სახლში დარჩენილი შიშები, ურთიერთობები ოჯახში და კორონავირუსი - ფსიქოლოგი გვირჩევს

  • 4 აპრილი 19:14

ეპიდემია და შიში, როგორც დამცველობითი რეაქცია - ამ თემაზე რუბრიკა „ფასილიტატორის“ სტუმარი, პრაქტიკოსი ფსიქოლოგი, ფსიქოთერაპევტი და ტრენერი ნანა ფაცაცია საუბრობს.

შიშის განცდა არის ადამიანის სრულიად ადეკვატური და ბუნებრივი თავდაცვითი რეაქცია, როცა არსებობს რეალური საფრთხე. დღეს, ჩვენ ქვეყანაში და მსოფლიოში მიმდინარე COVID – 19-ის ეპიდემიის ფონზე შიშის განცდა საკუთარი და ახლობლების ჯანმრთელობასთან დაკავშირებით, არის სრულიად რაციონალური მოვლენა. შიში აუცილებელიც არის მოვლენის ადეკვატურად აღსაქმელად, ვინაიდან მეტი სიფრთხილით მოეკიდონ ადამიანები საკუთარ ჯანმრთელობასა და ირგვლის მყოფებს, რათა დაიცვან ყველა საჭირო ქმედებები ეპიდემიის თავიდან ასაცილებლად.


ადამიანები, რომლებიც არასათანადოდ აფასებენ მიმდინარე მოვლენებს და გაურბიან რეალობას, შესაძლოა მსგავსი დამოკიდებულება და შესაბამისი ქმედებები გახდეს დიდი საფრთხის შემცველი.


უჩვეულო და არაპროგნოზირებადი გარემო, მოქმედებს არა მხოლოდ ჩვენს ფსიქოლოგიურ განწყობაზე, არამედ შესაძლოა გამწვავებულმა ემოციურმა ფონმა და მომატებულმა შფოთვამ გამოიწვიოს ფიზიოლოგიური ცვლილებიც, როგორიც არის: ტემპერატურის მატება, ეპიზოდური და უეცარი სუნთქვის უკმარისობა, თავის ტკივილი და ა.შ.  ასეთ დროს მნიშვნელოვანია სწორად ინფორმირება დაავადების მიმდინარეობასა და სიმპტომატიკაზე, რათა არ მივეცეთ უსაფუძვლო ეჭვს. თუმცა სიფრთხილე გვმართებს, რათა არ ვუგულებელჰყოთ რეალურად არსებული სიმპტომები.


ამ თანდაყოლილი რეაქციების გარეშე, ჩვენი ტვინი ვერ მიიღებდა გამაფრთხილებელ სიგნალს საფრთხის შესახებ და შესაბამისად, საფრთხის პირისპირ აღმოჩენილი, ვერ გაუმკლავდებოდა მას.


წაიკითხეთ სრულად