"ჭრელო პეპელა“ არ ვარ… კიდევ დიდი ხანი ვიცხოვრებთ ასეთ რეჟიმში“

  • 3 აპრილი 17:24

„იმას ვაკეთებთ სწრაფად, რასაც სხვა ქვეყნებში დღეები სჭირდება და ახლა „ჭრელო პეპელა“ არ ვარ“,-ამის შესახებ დაავადებათა კონტროლის ეროვნული ცენტრის ხელმძღვანელის მოადგილემ, პაატა იმნაძემ სწრაფ ტესტზე დასმული კითხვის საპასუხოდ უპასუხა.

მისი თქმით, ერთი და იგივე კითხვები მოსახლეობის ფსიქიკას ვნებს.


„ვამბობ და ვიძახი, ველოდებით ხარისხიან სწრაფ ტესტებს. დღეს ვაკეთებთ იმით, რაც არის ოქროს სტანდარტი. იმას ვაკეთებთ სწრაფად, რასაც სხვა ქვეყნებში დღეები სჭირდება და ახლა „ჭრელო პეპელა“ არ ვარ.


ხალხი არის დაძაბული. კიდევ დიდი ხანი ვიცხოვრებთ ასეთ რეჟიმში. ერთი და იგივე კითხვები მოსახლეობის ფსიქიკას კიდევ უფრო ძაბავს. ჩვენ ისედაც ყველა ვართ საკმაოდ დაძაბულ, სტრესულ სიტუაციაში.


მე მრცხვენია ხოლმე, რომ ერთი და იგივე კითხვაზე ერთი და იგივე პასუხი რამდენჯერ შეიძლება გავცე. მოვუფრთხილდეთ ერთმანეთის ფსიქიკას“,- განაცხადა იმნაძემ.