სასულიერო პირმა იჩქარა! - სააღდგომო ლიტურგიაზე საპატრიარქოს გადაწყვეტილება არ მიუღია

  • 3 აპრილი 17:03

საქართევლოს საპატრიაქროს საზოგადოებასთან ურთიერთობის სამსახურის ხელმძღვანელი, მამა ანდრია ჯაღმაიძე ვაკის მაცხოვრის ფერისცვალების სახელობის ტაძრის წინამძღვრის, დეკანოზი შალვა კეკელიას განცხადებას გამოეხმაურა.

მისი თქმით, შალვა კეკელიას განცახდება, რომ სააღდგომო მსახურების დროს მრევლი ტაძარში 9 საათიდან 6 საათამდე იქნებოდა, არ იყო შეთანხმებული საპატრიარქოსთან.


„განცხადება გააკეთა ერთ-ერთმა სასულიერო პირმა, 9 საათიდან 6 საათამდე იქნებოდა მრევლი ტაძარში სააღდგომო მსახურების დროს მან იჩქარა ამ განცხადების გაკეთება. არ დაელოდა და არ იყო შეთანხმებული საპატრიარქოს პოზიციასთან. ჯერჯერობით ჩვენ არ ვიძლევით არანაირ განმარტებას, დაველოდებით სააღდგომო დღეების მოახლოებას“, – განაცხადა ანდრია ჯაღმაიძემ.


ვაკის მაცხოვრის ფერისცვალების სახელობის ტაძრის წინამძღვარმა, დეკანოზი შალვა კეკელია შესაძლებლად მიიჩნევს, კომენდანტის საათის პირობებში მრევლი სააღდგომო ლიტურგიაზე 21:00 საათამდე მივიდეს და ეკლესია 06:00 საათის შემდეგ მერე დატოვოს. ამის შესახებ კეკელიამ ტელეკომპანის „ფორმულას“ ეთერში ისაუბრა.


„ჩემი აზრით, თავისუფლად შესაძლებელია, ადამიანები 21:00 საათამდე მოვლენ ეკლესიაში, ტაძარში ჩვენთან დანიშნული იქნება, სად უნდა იდგნენ, გადანაწილდებიან და დილის 06:00 საათის შემდეგ სახლებში წავლენ“, – განაცხადა შალვა კეკელიამ.