მიშა მშვილდაძე: სტრასბურგის სასამართლოს მო****ან დედისტ...ი

  • 22 აგვისტო 11:35

ფორმულა "კრეატივის" ერთ-ერთი დამფუძნებელი მიშა მშვილდაძე სოციალურ ქსელში პოსტს აქვეყნებს.

მის პოსტს უცვლელად გთავაზობთ :


"მემგონი დღეს უკვე როცა უკანასკნელ ტუპოისაც კი აღარ დარჩა არავითარი იმედი რომ "რუსთავი 2" არ მოგუდეს პირდაპირი მნიშვნელობით, ცალსახად და ხმამაღლა უნდა ითქვას, რომ სტრასბურგის სასამართლოს მოუ...ა) აზზევერმოსული ბ) პრადაჟნი (აირჩიეთ, დემოკრატიაა) ოღონდც ცალსახად დედის....ი. აქვე დედისტ...კი მთელი მსოფლიოს საუკეთესო მთავრობებს და გაწურბელებულ ბიუროკრატებს ყველა ქვეყნის სახელმწიფო სამსახურებში ჩვენი ქართველი წურბელების თამადობით, ცხადია". - წერს მშვილდაძე სოციალურ ქსელში.


შეგახსენებთ, რომ მიშა მშვილდაძე ფორმულა "კრეატივის" ერთ-ერთი დამფუძნებელია, რომელიც თავდაცვის ყოფილ მინისტრ დავით კეზერაშვილთან ერთად ახალ ტელევიზიას ქმნის.



ადამიანის უფლებათა ევროპულმა სასამართლომ ერთხმად მიიღო გადაწყვეტილება, შეაჩეროს სასამართლოს რეგლამენტის 39-ე მუხლი, რომლის საფუძველზეც ტელეკომპანია "რუსთავი 2"-თან დაკავშირებით საქართველოს უზენაესი სასამართლოს გადაწყვეტილების აღსრულების შეჩერება მოხდა.


ევროპის ადამიანის უფლებათა ევროპულმა სასამართლომ ასევე გადაწყვიტა, რომ ადგილი არ ჰქონია ადამიანის უფლებათა ევროპული კონვენციის მე-6 მუხლის პირველი პუნქტის დარღვევას, თბილისის საქალაქო სასამართლოს მოსამართლის, თბილისის სააპელაციო სასამართლოს მოსამართლისა და უზენაესი სასამართლოს დიდი პალატის, მათ შორის უზენაესი სასამართლოს თავმჯდომარისა და მოსამართლის დამოუკიდებლობისა და მიკერძოებულობასთან დაკავშირებით.


სტრასბურგის სასამართლოს გადაწყვეტილებას თან ერთვის მოსამართლე დე გაეტანოს პოზიციის განმარტება, რომელიც ორ ნაწილში არ ეთანხმება დანარჩენ ექვს მოსამართლეს. კერძოდ, დე გაეტანო მიიჩნევს, რომ საქალაქო და უზენაეს სასამართლოებმა დაარღვიეს საქმის სამართლიანი განხილვის უფლება.


მხარეებს სტრასბურგის სასამართლოს გადაწყვეტილების დიდ პალატაში გასაჩივრებისთვის სამთვიანი ვადა აქვთ. თუ გადაწყვეტილება აღნიშნულ ვადაში არ გასაჩივრდა, სამი თვის შემდეგ ძალაში შევა.


ქიბარ ხალვაშმა სასამართლო დავა 2015 წელს დაიწყო. 2017 წლის მარტში საქართველოს უზენაესმა სასამართლომ "რუსთავი 2" ქიბარ ხალვაშსა და კომპანია "პანორამას" მიაკუთვნა. "რუსთავი 2"-მა და მისმა მფლობელებმა სტრასბურგის ადამიანის უფლებათა ევროპულ სასამართლოს მიმართეს. სტრასბურგის სასამართლომ გადაწყვეტილების მიღებამდე დროებითი ღონისძიება გამოიყენა და საქართველოს უზენაესი სასამართლოს გადაწყვეტილების აღსრულება შეაჩერა.


"რუსთავი 2" ადამიანის უფლებათა ევროპულ სასამართლოში სახელმწიფოს ევროკონვენციის ოთხი მუხლის დარღვევას ედავებოდა. საუბარია სამართლიანი სასამართლოს უფლების, საკუთრების უფლებისა და გამოხატვის თავისუფლების მუხლებზე. "რუსთავი 2" ითხოვდა, საკუთრებისა და გამოხატვის უფლებების მუხლებთან ერთად, არალეგიტიმური მიზნით კანონით გათვალისწინებული შეზღუდვების გამოყენების მუხლის დარღვევაც დადგენილიყო.