ეროპის ქვეყნებში ანომალიური სიცხეა

  • 1tv.ge
  • 23 ივლისი 23:30

საფრანგეთის ქალაქ ბორდოში ტემპერატურის მაჩვენებელი რეკორდულად მაღალია და 41,2 გრადუსი ცელციუსს შეადგენს. 

 „ბიბისის“ ინფორმაციით, საფრანგეთის სამხრეთ-დასავლეთ ნაწილში, ქალაქ ბორდოში რეკორდულად მაღალი ტემპერატურა 41,2 გრადუსი ცელსიუსი დაფიქსირდა.


რაც შეეხება საფრანგეთის დედაქალაქს, ქვეყნის მეტეოროლოგიური სამსახურის ცნობით, უახლოეს დღეებში ტემპერატურის მხრივ რეკორდი შესაძლოა, პარიზშიც დამყარდეს. ყველაზე მაღალი ტემპერატურა საფრანგეთის დედაქალაქში 1947 წელს დაფიქსირდა. მაშინ ჰაერის ტემპერატურამ 40,4 გრადუს ცელსიუსს მიაღწია.


„ბიბისი“ იუწყება, რომ რეკორდულად მაღალი ტემპერატურა ამ კვირაში ევროპის სხვა ქვეყნებშიც დაფიქსირდება. მათ შორისაა ესპანეთიც, სადაც სარაგოსას რეგიონის ხელისუფლებამ განგაშის წითელი ნიშნული გამოაცხადა. სიცხის ტალღა მოიცავს ბელგიას და ნიდერლანდებსაც.


სპეციალისტების ნაწილი ანომალიურ ტემპერატურას კლიმატის ცვლილებას უკავშირებენ და აცხადებენ, რომ რეკორდულად მაღალი ტემპერატურა საერთაშორისო მასშტაბით სულ უფრო ხშირად დაფიქსირდება.

სრული ვერსიის ნახვა 1tv.ge