IPSOS France: “რუსთავი 2-ის” დაკვეთილი კვლევა არა ჩვენ, არამედ უკრაინის ოფისმა ჩაატარა

  • ipress.ge
  • 18 მაისი 16:49

უშინ, პოზიციისა და ოპოზიციის მიერ განხილვის მთავარი თემა “იპსოს” მიერ ჩატარებული კვლევა გახდა, რომელიც ტელეკომპანია “რუსთავი 2”-მა დაუკვეთა. კ

გვლევამ დიდი დებატები გამოიწვია და მმართველმა პარტიამ კითხვის ნიშნის ქვეშ დააყენა როგორც შედეგები, ასევე მეთოდოლოგია.
25Shares
 24
 
თავად ტელეკომპანია კი აცხადებს, რომ ეს სწორედ ის კვლევითი ორგანიზაცია იყო, რომელსაც ხელისუფლებამ სასამართლოს კვლევა დაუკვეთა და რომელსაც ბიძინა ივანიშვილი ყველაზე მეტად ენდობოდა.


“ორგანიზაცია “იპსოსი,” რომლის გამოკითხვის შედეგებსაც მმართველმა პარტიამ უნდობლობა გამოუცხადა, მსოფლიო სამეულში შედის და 88 ქვეყანაში ოპერირებს. თავდასხმის სერიის დროს მმართველი პარტიის ლიდერებს ერთი მნიშვნელოვანი დეტალი გამორჩათ – “იპსო” ის ორგანიზაციაა, რომელსაც ბიძინა ივანიშვილის თქმით, ყველაზე მეტად ენდობა.” – ნათქვამია ტელეკომპანიის მიერ გავრცელებულ ინფორმაციებში.


საკამათო საკითხებთან დაკავშირებით “აიპრესმა” კითხვები გუშინ მიწერა “იფსოს ფრანსს”, სწორედ იმ ორგანიზაციას, რომელმაც საქართველოში სასამართლო სისტემასთან დაკავშირებული კვლევა ჩაატარა.


პასუხი კვლევების დირექტორმა მეთიუ გალარდმა გაგვცა.


მეთიუ გალარდი: ქართული სატელევიზიო არხი რუსთავი 2-ის მიერ დაკვეთილი გამოკითხვები ჩატარდა არა იფსოს საფრანგეთის, არამედ იფსოსის უკრაინული განშტოების მიერ. ყველა შეკითხვა უნდა გადამისამართდეს ქვეყნის ოფისში.


მეთიუ გალარდი: ზოგადად, ახლო წარსულში,  იფსოს საფრანგეთს არ ჩაუტარებია არავითარი კვლევა საქართველოში, სასამართლო სისტემასთან დაკავშირებული კვლევის გარდა.


შესაბამისად, კითხვებით უკვე მივმართეთ უკრაინის ოფისს და პასუხებს მიღებისთანავე შეგატყობინებთ.


თავად “რუსთავი 2″-ის მიერ გავრცელებულ ინფორმაციაში კვლევის ჩატარების შესახებ მითითებულია შემდეგი ინფორმაცია:


1. დამკვეთი– შპს „სამაუწყებლო კომპანია რუსთავი 2” (ს/კ:211352016), მისამართი: ზ.ანჯაფარიძის 5ა
(ყოფილი სანდრო ეულის ქ.5ა), თბილისი, 0186, საქართველო.
2. კვლევა ფასიანია თუ უფასო– კვლევაში მონაწილე რესპონდენტები არ იხდიან რაიმე სახის
საფასურს და გამოკითხვა არის უფასო. კვლევას, სახელშეკრულებო თანხის სანაცვლოდ (ფასით)
ახორციელებს IPSOS S.A. შპს „სამაუწყებლო კომპანია რუსთავი 2-ის“ დაკვეთით.
3. ორგანიზაცია, რომელმაც ჩაატარა კვლევა- სახელწოდება ოფიციალური რეგისტრაციის მიხედვით:
Chemin du Château-Bloch, 11; 1219 Le Lignon, Switzerland
4. კვლევის ჩატარების დრო–01.05.2019- 14.05.2019
5. გამოკითხვის მეთოდი- პირისპირი გამოკითხვის გზით;

სრული ვერსიის ნახვა ipress.ge