მერი კაპანაძე - ზუგდიდის საოლქო საარჩევნო კომისიაში შეინიშნება აშკარა ხელის შეშლა და პროცესების ჩაშლის ფაქტი

  • 18 მაისი 14:54

ზუგდიდის საოლქო საარჩევნო კომისიაში შეინიშნება აშკარა ხელის შეშლა და პროცესების ჩაშლის ფაქტი,- ამის შესახებ არასამთავრობო ორგანიზაცია „დემოკრატიული ინიციატივის საერთაშორისო ცენტრის“ ხელმძღვანელმა მერი კაპანაძემ განაცხადა.

მისი თქმით, საარჩევნო პროცესი სამართლებრივად და კანონის ფარგლებში უნდა წარიმართოს და არჩევნებში მონაწილე სუბიექტებმა თავი უნდა შეიკავონ აგრესიისა და სიტუაციის დაძაბვისგან.

„მხარეების ჩართულობა არის განსაკუთრებული და პასუხისმგებლობა გვეკისრება ვიყოთ ორიენტირებული, რომ პროცესები წარიმართოს მეტად სამართლებრივად და კანონის შესაბამისად და თავი შევიკავოთ აგრესიისა და სიტუაციის დაძაბვისაგან", - განუცხადა ჟურნალისტებს მერი კაპანაძემ ცესკოს თავმჯდომარესთან, თამარ ჟვანიასთან შეხვედრის შემდეგ.