მადრიდში ერთ-ერთ რესტორანში ქართულ კერძებს სომხურად წარადგენენ

  • fortuna.ge
  • 11 თებერვალი 18:20

„ფეისბუქზე“ ჯგუფში „მოგზაურთა კლუბი, თინათინ გველესიანი-მანალარი წერს მადრიდში მდებარე რესტორნის შესახებ, სადაც სომეხი მეპატრონე ქართულ კერძებს სომხურად ასაღებს.

როგორც პოსტის ავტორი წერს, რესტორანი, რომელზეც საუბარი აქვს, კლიენტებს არ უჩივის და მიმართავს ყველას, რომ ამ ამბის წაყრუება არ შეიძლება.


„მეგობრებო, შეიძლება იფიქროთ, ეს მოცლილი ვინ არისო, მაგრამ ერთი ამბავი ძალიან მაწუხებს. პირველ რიგში მივმართავ მადრიდში მცხოვრებ ქართველებს. ერთი სიტყვით, მადრიდში ერთ სომეხს აქვს სომხური რესტორანი “Gayane’s Madrid”, სადაც, საფუძვლიანი ეჭვი მაქვს, რომ ქართულ სამზარეულოს, რომელიც, მიმაჩნია, რომ ჩვენი ნაციონალური სიამაყეა, სომხურად წარმოაჩენს. ამ ადამიანის ფბ-ზე რომ შეხვიდეთ, თვალებს არ დაუჯერებთ, ისეთ სისულელეებს როშავს. არადა, ფოტოებიდან ჩანს, რომ უცხოელი კლიენტების ნაკლებობას არ უჩივის.


ჰოდა, ვინც მადრიდში ხართ, იქნებ შეგევლოთ ერთი ამ რესტორანში. რა თქმა უნდა, იმას არ ვგულისხმობ, რომ თავზე უნდა დაალეწოთ ყველაფერი. მაგრამ თუ ქართული კერძების სომხურად წარდგენა მართლაც ხდება უცხოელი სტუმრებისთვის, რაიმე ფორმით ხომ უნდა გავაპროტესტოთ?! არ ვიცი, ხომ არ შეიძლება, ყველაფერს წავუყრუოთ და ყველაფერი “დავიკიდოთ”?!


პ.ს. გთხოვთ, მთელი სომეხი ერის ლანძღვას ნუ დაიწყებთ კომენტარებში. ჩემი პოსტის მიზანი ეს ნამდვილად არ არის“.

სრული ვერსიის ნახვა fortuna.ge