მარსზე რქაწითელს გააშენებენ?! - წითელ პლანეტაზე გასაზავნი ყურძნის ჯიშს თბილისში შეარჩევენ

  • რეზონანსი
  • 8 იანვარი 10:46

რქაწითელი შესაძლოა, გახდეს პირველი ღვინო, რომლის დალევაც მარსზე იქნება შესაძლებელი. ამის შესახებ გაზეთ Washington Post-ის სტატიაშია ნათქვამი სახელწოდებით „თეთრი ღვინო წითელ პლანეტაზე?“.

„მკვლევარებმა უნდა დაადგინონ, რომელი ყურძნის ჯიში გაუძლებს რადიაციას, მტვრის ქარიშხალს და მარსზე არსებული გარემოს სხვა გამოწვევებს. თუმცა, მიუხედავად ყველაფრისა, ვინ არ ისურვებდა მარსული ღვინით სავსე ჭიქას, როდესაც ახალ პლანეტაზე ახალ წელს შევხვდებით?“ – წერს გაზეთის ჟურნალისტი.


პროექტში ჩართული არიან, როგორც მეწარმეები, ისე აკადემიური წრეების წარმომადგენლები. გამოცემის ცნობით, წელს პროექტის მონაწილეები აპირებენ, თბილისის ერთ-ერთ სასტუმროში პირველი ე.წ. ვერტიკალური ბაღი გახსნან.


„ვერტიკალური მებაღეობა ადამიანის მინიმალურ ჩართულობას მოითხოვს და მცენარეების მოსაყვანად მზის სინათლე არაა საჭირო. სწორედ ასეთ გარემოში მოყვანილი მცენარეებმა შეიძლება, მომავალში გაიხარონ მარსის კოლონიაში“, - ნათქვამია სტატიაში.


როგორც ჟურნალისტი აღნიშნავს, მეცნიერები მიიჩნევენ, რომ წითელი პლანეტის კლიმატს არა შავი, არამედ თეთრი ფერის ყურძენი უფრო გაუძლებს. მარსზე მოშენების ერთ-ერთი კანდიდატად რქაწითელი განიხილება. მკვლევარების აზრით, რქაწითელის კანი მარსის მტვრის ქარიშხლებს ადვილად გაუმკლავდება. წითელ პლანეტაზე მოსაშენებლად საუკეთესო ყურძნის ჯიშის დადგენას მკვლევარები 2022 წლისთვის გეგმავენ.

წყარო: რეზონანსი