„ქართველო, რაც უნდა გაბრაზებული ყოფილიყავი, რა კაცობით მიეცი ხმა სისხლიან რეჟიმს?!”

  • რეზონანსი
  • 29 ოქტომბერი 15:59, 2018 წელი

უმრავლესობის ყოფილი დეპუტატი მერაბ კაჭახიძე სოციალურში წერს, რითაც საპრეზიდენტო არჩევნების შედეგებს ეხმაურება.

"რა გითხრა ქართველო, რაც უნდა გაბრაზებული ყოფილიყავი "ოცნებაზე" რა სინდისით, რა კაცობით მიეცი ხმა სისხლიან რეჟიმს?! ასარჩევი რა ცოტა გყავდა?!",-წერს მერაბ კაჭახიძე. 

ცესკოს წინასწარი მონაცემებით, მმართველი პარტიის მხარდაჭერილმა კანდიდატმა სალომე ზურაბიშვილმა ამომრჩეველთა 615 403 ხმა მიიღო, რაც 38,63%-ია, ხოლო გაერთიანებული ოპოზიციის კანდიდატმა გრიგოლ ვაშაძემ 601 175 ხმა - 37,74% .

თამარ ჟვანიას ინფორმაციით, ამ დროისთვის დათვლილია 3703 უბნის მონაცემი, რაც წარმოადგენს უბნების თითქმის 100 პროცენტს.

28 ოქტომბრის 20:00 საათის მდგომარეობით კენჭისყრაში მონაწილეობა მიიღო 1 637 956-მა ამომრჩეველმა, რაც საერთო რაოდენობის 46.74 პროცენტია. ამომრჩეველთა საერთო რაოდენობა შეადგენდა 3 518 877-ს, რომელშიც ასევე შედიოდნენ საზღვარგარეთ არჩევნებისთვის რეგისტრირებული პირები, მათ შორის 14 795 საქართველოს კანონმდებლობის შესაბამისად საზღვარგარეთ რეგისტრირებული მოქალაქე.

წყარო: რეზონანსი