თბილისის ბოტანიკურ ბაღში კაცის ცხედარი იპოვეს

  • pia.ge
  • 23 აგვისტო 11:42, 2018 წელი

თბილისის ბოტანიკურ ბაღში კაცის ცხედარი იპოვეს, რომელსაც ჭრილობები ყელის არეში ჰქონდა მიყენებული.

თვითმხილველების თქმით, შემთხვევა გუშინ მოხდა.


როგორც "პირველს" შინაგან საქმეთა სამინისტროში განუცხადეს, გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას ნიშნავს და ისჯება თავისუფლების აღკვეთით ვადით შვიდიდან თხუთმეტ წლამდე, იარაღთან დაკავშირებული უფლებების შეზღუდვით ან უამისოდ.


თუმცა უწყებაში აცხადებენ, რომ გამოძიების მიერ მოპოვებული პირველადი ინფორმაციის საფუძველზე სხვა ვერსიებიც განიხილება და შესაძლოა მუხლი გადაკვალიფიცირდეს.


შსს-ს ინფორმაციით, ამ დროისთვის აქტიური საგამოძიებო მოქმედებები მიმდინარეობს.

სრული ვერსიის ნახვა pia.ge