Digest Logo

„ეგღა გვაკლდა… ჩინეთში ფრინველის გრიპის მსოფლიოში პირველი შემთხვევა დაფიქსირდა“ - რას წერს გიორგი ფხაკაძე?

1651387468
გიორგი ფხაკაძე

ჯანდაცვის სფეროს ექსპერტი გიორგი ფხაკაძე სოციალურ ქსელში ფრინველის გრიპის შესახებ წერს.

მისივე ინფორმაციით, ეს ინფექცია, ძირითადად, სხვადასხვა ფრინველში ვრცელდება, თუმცა არის შემთხვევები, როცა ის ადამიანზეც გადადის.

„ეგღა გვაკლდა… ჩინეთში ფრინველის გრიპის შტამ H3N8-ის მსოფლიოში პირველი შემთხვევა დაფიქსირდა (დადასტურდა 26/04/2022). 28 აპრილს კი ამერიკაში H5N1 ფრინველის გრიპის შტამ ერთი ადამიანი დაინფიცირდა ხოლო პირველი H5N1 შემთხვევა დაფიქსირდა დიდ ბრიტანეთში იანვარში.

რაც შეეხება ჩინეთში ფრინველის გრიპის შტამ (H3N8), ეს შტამი ხენანის პროვინციაში მცხოვრებ 4 წლის ბიჭს დაუდასტურდა, ის, სავარაუდოდ, დაინფიცირდა 2022 წლის 5 აპრილს, რაც მსოფლიოში პირველი პრეცედენტია. ამას ადასტურებს ქვეყნის ჯანდაცვის სამინისტრო (河南省发现一例人感染H3N8禽流感病例).

ცნობილია, რომ ეს ინფექცია, ძირითადად, სხვადასხვა ფრინველში ვრცელდება, თუმცა არის შემთხვევები, როცა ის ადამიანზეც გადადის. ვირუსის ყველაზე მასშტაბური ეპიდაფეთქება 2015 წელს მოხდა, როცა შტამ H5N1-ს 140 მილიონზე მეტი ფრინველი ემსხვერპლა. გასულ წელს მისი ვარიანტი H10N3 პირველ ადამიანს აღმოაჩნდა, თუმცა, საბედნიეროდ, სხვები არ დაავადებულან.

რაც შეეხება ამ შემთხვევას, ბავშვი ადგილობრივ საავადმყოფოში სიცხითა და სხვა სიმპტომებით 5 აპრილს მიიყვანეს, 10 აპრილისთვის კი მისი მდგომარეობა გაუარესდა. 24 აპრილს ბიჭს ტესტი გაუკეთდა, რომელმაც 26 აპრილს H3N8-ზე დადებითი შედეგი აჩვენა.

რა ვქნათ?

ამჟამად ამ გრიპის წინააღმდეგ ვაქცინა არ არის მაგრამ არსებული სეზონური გრიპის ვაქცინა ნაწილობრივ იცავს მოსახლეობას და რეკომენდებულია.

ფრინველის გრიპის შემდეგი სიმპტომები ვლინდება ინფიცირებულ პირებში ინფიცირებიდან ორიდან შვიდი დღის განმავლობაში:

ხველა
ცხელება
ყელის ტკივილი
კუნთების ტკივილი
თავის ტკივილი
ჰაერის უკმარისობა

სხვა სიმპტომები შეიძლება იყოს გულისრევა, დიარეა ან ღებინება.

ფრინველის გრიპის ზოგიერთ შემთხვევაში შეიძლება გამოვლინდეს მხოლოდ მსუბუქი თვალის ინფექციის სიმპტომები.

საქართველოში ჯერჯერობით ფრინველის გრიპის შტამ H3N8 არ დაფიქსირდა და შეშფოთების საფუძველი არ არის მაგრამ ეს არ ნიშნავს რომ არ უნდა ვიყოთ მზადყოფნაში შევიარაღდეთ სწორი ინფორმაციით“,- წერს ფხაკაძე.

 

ასევე დაგაინტერესებთ👇

„წიხლქვეშ გაიგდეს და ორი სკამი დაამტვრიეს თავზე, გია მაისაშვილმა და სხვებმა, მაშინ არ უნდა გამომეგლიჯა იმათი ხელიდან“ - ირაკლი ოქრუაშვილი რამიშვილს დაუპირისპირდა

🎥 ნინი ბადურაშვილი კვიპროსში ისვენებს - ნახეთ, გასაოცარი ფოტოები

🎥 „როდესაც შვილიანი ხარ, მაინც მოქმედებს რაღაცნაირად. მივხვდი, რომ როდესაც გავშორდი, ვმალავდი, რომ განათხოვარი ვიყავი და შვილი მყავდა“ - სალომე გოგიაშვილი