Digest Logo

„განერვიულდა და გაბრაზდა, სრული აბსურდიაო... ფსიქოლოგიურ ტერორს მიწყობენო, გამოძიების დაწყებას ითხოვს...“ - რას ამბობს მაგდა პაპიძის ადვოკატი?

1674578452
მაგდა პაპიძე

ქმარ-შვილის მკვლელობისთვის მსჯავრდებული მაგდა პაპიძე მისი ქორწინების შესახებ ცრუ ინფორმაციის გავრცელების ფაქტზე გამოძიებას მიმართავს. 24 იანვარს მან წერილები გააგზავნა როგორც პროკურატურაში, ისე თბილისის საქალაქო სასამართლოში და საქმის გამოძიების დაწყება მოითხოვა.

👉„საშინელი დანაშაული აქვს ჩადენილი, მაგრამ მასაც აქვს უფლებები, მათ შორის პირადი ცხოვრების უფლებაც...“ - ადვოკატი მაგდა პაპიძეზე

უახლოეს დღეებში მიმართავს მაგდა პაპიძე ჟურნალისტური ეთიკის ქარტიასაც, რათა დადგინდეს მის შესახებ ცრუ ინფორმაციის გავრცელების ფაქტი. ინფორმაციას „რადიო თავისუფლება“ ავრცელებს.

მაგდა პაპიძის გადაწყვეტილების შესახებ „რადიო თავისუფლებას“ უყვება მისი ინტერესების დამცველი საპატიმრო დაწესებულებაში, „ადამიანის უფლებათა ცენტრის“ იურისტი - ეკა ქობესაშვილი.

ადვოკატი მაგდა პაპიძეს 24 იანვარს, რუსთავის მეხუთე ქალთა დაწესებულებაში შეხვდა. ეკა ქობესაშვილი „რადიო თავისუფლებას“ ეუბნება, რომ პატიმარმა იცოდა როგორ გაავრცელა 23-24 იანვარს, ზოგიერთმა მედიასაშუალებამ ცნობა, თითქოს ის საპატიმროში „მის კლასელზე“ დაქორწინდა.

„იყო ძალიან განერვიულებული და გაბრაზებული. რა თქმა უნდა, ეს ინფორმაცია უარყო და მითხრა, რომ ეს არის სრული აბსურდი. რაც დააკავეს, მას ურთიერთობა აქვს მხოლოდ დედასთან, დასთან და დისშვილთან და არავისთან სხვასთან. ცრუ ინფორმაცია გავრცელდა იმის შესახებაც, თითქოს მას ოჯახის წევრებიც კი აღარ ნახულობენ. ისინი ყოველთვის სარგებლობენ კანონით გათვალისწინებული პაემნებით. მაგდა პაპიძე თვლის, რომ გავრცელებული ცრუ ინფორმაცია მისი ქორწინების შესახებ ემსახურება მის ფსიქოლოგიურ ტერორს და განადგურებას. დღეს უკვე გაგზავნა წერილი პროკურატურაში, სადაც წერს, რომ მიზანმიმართულად ხდება მის წინააღმდეგ ცილისმწამებლური განცხადებების გავრცელება, რაც ემსახურება მის ფსიქოლოგიურ დეგრადირებას და ითხოვს გამოძიების დაწყებას. ასევე მიმართა სასამართლოს და აპირებს იდავოს იმ მედიასაშუალების წინააღმდეგ, რომელმაც ეს ინფორმაცია გაავრცელა“, - ამბობს ადვოკატი.

ცნობისთვის, ინფორმაცია უვადოდ პატიმრობამისჯილი ქალის, მაგდა პაპიძის ციხეში ქორწინების შესახებ 23 იანვარს, ონლაინმედია პლატფორმამ, „ჯორჯიან თაიმსმა“ გაავრცელა. მათ მიერ მომზადებული სიუჟეტი მაგდა პაპიძის „ოჯახის ახლობლის“ ინფორმაციას ეყრდნობოდა, რომელიც ირწმუნებოდა, რომ პატიმარი ქალი რამდენიმე ხნის წინ კლასელზე დაქორწინდა.

ასევე დაგაინტერესებთ:

🔵„ლევან ბერძენიშვილთან ამ ფორმით და შინაარსით ბრძოლა, არის წიგნიერებასთან ბრძოლა“ - რას აპირებს ტორესა მოსი

🔵„ველოდები კომენტარებში ისტერიკას, თუ როგორ ვბედავ ამას“ – რას წერს თამუნა მუსერიძე

🔵„ჩემი და მარიტას თანაცხოვრების 2 წელი დღეს შესრულდა, მიყვარხარ უსაზღვროდ“ - გიორგი გასვიანი

🔵🎥 მაგდა პაპიძე საპატიმროში გათხოვდა - „ჯორჯიან თაიმსი“