ხვიჩა კვარაცხელია, სავარაუდოდ, ევროპის ჩემპიონატის პლეი-ოფში საქართველოს ნაკრების პირველ შეხვედრას გამოტოვებს. ამის შესახებ ინფორმაცია ვიკიპედიაში გამოქვეყნდა.
ხვიჩა კვარაცხელიამ 19 ნოემბერს, ესპანეთის წინააღმდეგ ყვითელი ბარათი მიიღო, რაც ევრო 2024-ში მისი მესამე ყვითელი ბარათი გამოდგა და ეს, შემდეგი მატჩის გამოტოვებას ნიშნავს. უეფას რეგლამენტის თანახმად, საკვალიფიკაციო ეტაპზე მიღებული დისკვალიფიკაცია პლეი-ოფის რაუნდზეც გადადის.
ინფორმაცია ჯერ არ დაუდასტურებია საქართველოს ფეხბურთის ფედერაციას.
ცნობისთვის, საქართველოს ნაკრები ესპანეთთან შეხვედრაში ანგარიშით 3:1 დამარცხდა. საქართველოს ნაკრებიდან, გოლი ხვიჩა კვარაცხელიამ გაიტანა.
საქართველოს ნაკრები 2024 წლის მარტში ორ დაპირისპირებას გამართავს და ორივეში გამარჯვების შემთხვევაში, ევროპის ჩემპიონატზე ითამაშებს. ნაკრების მეტოქეები დღეს გაირკვევა.
🔵 აგრეთვე დაგაინტერესებთ:
🎥 უძველესი თილისმები, რომლებიც ბავშვის ოთახში უნდა დავდოთ - ფენშუის სპეციალისტი გვირჩევს
🔵„23 რიცხვამდე დედამიწა პოზიტიურ ენერგოველშია და ეს დრო მაქსიმალურად გამოიყენეთ“ - მიხეილ ცაგარელი
