Digest Logo

„არ დააცადე ქართულ მიწაზე სიკვდილი, უცხო ქვეყანაში მიადექი და სული ამოხადე“ - იტალიაში კიდევ ერთი ქართველი ემიგრანტი გარდაიცვალა

1674676940
ონისე ქობალია

იტალიაში, მილანში ქართველი ემიგრანტი, 33 წლის ონისე ქობალია გარდაიცვალა. სამწუხარო ინფორმაციას სოციალურ ქსელში შოთო სიხარულიძე ავრცელებს და გარდაცვლილს ემოციური სიტყვებით ემშვიდობება.

„გარდაიცვალა იტალიაში, მილანში ახალგაზრდა ემიგრანტი 33 წლის ონისე ქობალია.

სიკვდილო, ვინ წაგართვი?? ეცხოვრა, ეცოცხლა, ყოფილიყო ჩვენს გვერდით. ის კი არა და არ დააცადე ქართულ მიწაზე სიკვდილი, უცხო ქვეყანაში მიადექი და სული ამოხადე.

ონო შენ ჩვენს გულებში სამუდამო ტკივილად დარჩები, მოგონებად გადაქცეული.

უფალმა სამოთხის კარი გაგიღო და შენც შენი ფიქრებითა და აუსრულებელი ოცნებით დაადექი სასუფევლის გზას. ყველაფერი გიხაროდა, მაგრამ განგებამ არ გაცადა 33 წლისას მოგისპო სიცოცხლე. ულმობელმა ცხოვრებამ თვალებში სიცოცხლის ნიშანწყალიც გაგიქრო, წახვედი და თან გაიყოლე შენს ოჯახზე ფიქრები, ოცნებები, აუხდენელი სურვილები.

შენი სულის მოსაგონებლად ყოველთვის იციმციმებს დანთებული სანთლები და შენს საფლავზე აყვავებულ ყვავილებს არ მოაკლდება ნამი ცრემლებისა, ვინც გიცნობდა ყველას ემახსოვრები ისეთი, როგორიც იყავი უწინ ლაღი, სიცოცხლის მოყვარული, თბილი გულკეთილი, შეუდარებელი და საამაყო, ემახსოვრებათ შენი სათნო, ლამაზი ღიმილი და გულის სითბო. მსუბუქი იყოს შენს გულზე დაყრილი მონატრებული სამშობლოს მიწა.

„შოთო სიხარულიძე ქართველი ემიგრანტები” ღრმა მწუხარებას გამოთქვამს თანაუგრძნობს და სამძიმარს უცხადებს იზო ქობალიას ფატიმა ბულიას ოჯახსა და ახლობლებს, ღმერთმა ნათელში ამყოფოს მისი ლამაზი სული”.

მოიხსენიეთ ახლად შესვენებული ონისე ქობალია კიდევ ერთი ახალგაზრდა ემიგრანტის თვალებში ჩამქრალი სიცოცხლე...

ღმერთმა ნათელში გამყოფოს ონო იქ სადაც მართალნი და შენნაირი კარგი ადამიანები განისვენებენ....

„გასწიეთ სევდა, მე გული მაქვს
სიცოცხლე მინდა....
თითოეული გარდაცვლილი ემიგრანტი ჩვენი საერთო ტკივილია....ნათელი დაუმკვიდროს უფალმა......საქართველომ კიდევ ერთი ემიგრანტი შვილი დაკარგა.....
უფალო აკმარე საქართველოს ამდენი ემიგრანტის უბედურება… მარადიული ხსოვნა ყველა გარდაცვლილს ქართველ ემიგრანტს… საქართველოს ენით აღუწერელი ტკივილი ემიგრანტებია…

„ახლაც ის დროა,როცა ქართველი,გულით ნატრობდა სად მომკვდარიყო ქართული მიწის ეგრძნო სურნელი… ბალახი მაინც რომ გამხდარიყო”, - წერს შოთო სიხარულიძე.

ასევე დაგაინტერესებთ👇

🎥 „მამუკა შინაგანად დიდ ტრაგედიას ატარებდა, მის ნახატებში კარგად ჩანს, რომ მხიარული კაცის უკან - ტრაგიკული პიროვნება იმალება...“ - ბესო ჩუბინიძე

🎥 „ბავშვი და ძალიან გამხდარი მახსოვს, საოცარი იუმორით. გასუქება რომ დაიწყო, ვეუბნებოდი - რას გაჭმევენ სახლში ამდენს -მეთქი“ - რას იხსენებს მერაბ სეფაშვილი ონაშვილზე

🎥 „საქართველომ ორი გამორჩეული არტისტი, ხოლო კოლეგებმა და ახლობლებმა ორი არაჩვეულებრივი ადამიანი დავკარგეთ“ - ემოციური ეთერი მამუკა ონაშვილსა და ზურა დოიჯაშვილზე