„შვიდ მაისის წვიმა, თმები კოჭამდინა"; „მახსოვს ბებიაჩემი მეუბნებოდა - 7 მაისის წვიმით დაისველე თმა, რომ კოჭებამდე გაგეზარდოსო" - ეს ფრაზები ალბათ თქვენც გაგიგიათ და მეხსიერებას შემორჩა წინაპრებისგან.
ტფილისში ასეთი ჩვეულება იყო: ახალგაზრდა ქალიშვილები იკრიბებოდნენ საცხოვრებელი სახლების ბანებზე და ეზოებში. მთელი დღე მღეროდნენ, ცეკვავდნენ და მხიარულ საუბარში ატარებდნენ დროს.
თან ცისკენ იმზირებოდნენ. არსებობდა ასეთი რწმენა, რომ 7 მაისს საღამოს აუცილებლად უნდა მოსულიყო წვიმა, ბედნიერების წვიმა! ამიტომ ამ წვიმით თმებს ისველებდნენ, რომ ეს ბედნიერება საკუთარ თმებში შეეშროთ…
7 მაისს თბილისში ყოველთვის წვიმს, თბილისური ტრადიციის მიხედვით თუ 7 მაისს თბილისში არ იწვიმებდა, ეს ავისმომასწავებელ ნიშნად მიიჩნეოდა.
არავინ იცის, კონკრეტულად საიდან იღებს სათავეს აღნიშნული ტრადიცია და რატომ აირჩია ქალაქის მოსახლეობამ მაინცდამაინც 7 მაისი
თითქმის არ მახსოვს თბილისში 7 მაისს, რომ არ ეწვიმოს! ეს “თითქმის” 2 წლის წინ მოხდა. 2015 წლის 7 მაისს არ უწვიმია.. 13 ივნისს იწვიმა! ამ წვიმას თავისი ახსნა აქვს.
ვისაც მიამიტური ტფილისი გიყვართ, დღეს თქვენთვის იწვიმებს!”
