Digest Logo

„სახეში მირტყამდა, თან მკოცნიდა და მეუბნებოდა, არ მოკვდეო“ - სააკაშვილი გონების დაკარგვის მომენტს იხსენებს

1638187600
სააკაშვილი

მსჯავრდებული მესამე პრეზიდენტი, მიხეილ სააკაშვილი სასამართლო პროცესზე გლდანის ციხეში ჯანმრთელობის მდგომარეობის დამძიმების ეპიზოდს იხსენებს და ამბობს, რომ გონება 20 წუთის განმავლობაში ჰქონდა დაკარგული.

მისი თქმით, რეანიმატოლოგმა გულიკო ქილიფთარმა ის სიკვდილს გადაარჩინა.

„ეს იყო წამების და არაადამიანური მოპყრობის ფაქტები საქართველოს სახელმწიფოს შემქმნელის მიმართ. რა მნიშვნელობა აქვს - არ იყოს სააკაშვილი და იყოს ქიბროწაშვილი, რა უფლება აქვთ, რომ ამის შემდეგ საერთოდ ვინმე იღებთ ხმას საერთოდ სამართალდამცველი სისტემიდან.

ბედმა გამიღიმა რომ ადვოკატების თანდასწრებით დავკარგე გონება და ბედმა გამიღიმა რომ იმ დილას, როდესაც შემომხედა კონცლაგერის მთავარმა ექიმმა, ჩათვალა რომ უკვე ვკვდები და ნამდვილად არ უნდოდა რომ იგივე ხალხს, ვინც ჩემი სიკვდილი დააორგანიზა...

ეს იყო აბსოლუტურად გამიზნული, მოსაკლავი აქტი, იმიტომ რომ ყველა მონაცემები იყო სასიცოცხლო დონეზე ქვემოთ, ფეხები მქონდა დასიებული, პრაქტიკულად ვერ დავდიოდი, ვეღარც ვაზროვნებდი და რომ დაინახა ამ ქალმა რომ ვკვდები, სასწრაფოდ გამოიძახა თამთა დემურიშვილი და გულიკო ქილიფთარი, რადგან ჩემს პირად ექიმს არ უშვებდნენ. გულიკო ქილეფთარმა გადაარჩინა. გონება მქონდა დაკარგული თითქმის 20 წუთის განმავლობაში.

ძალიან კარგად მახსოვს გულიკო ლოყაში მირტყამდა, თან მკოცნიდა და თან მეუბნებოდა - არ მოკვდე, არ მოკვდეო. დიდი მადლობა ამ კეთილშობილ ქალბატონს. სიტყვა „არ მოკვდე“ კარგად მახსოვს და რეანიმატოლოგისგან ეს მაინცდამაინც კარგი გასახსენებელი არ არის“, - განაცხადა სააკაშვილმა.

აგრეთვე წაიკითხეთ:

🔵„ქოსატყუილა გიჟი! 7 ნოემბერი რატომ მოუწყო ქართველ ხალხს, იმაზე ისაუბროს...“ - ხოფერია სააკაშვილზე

🔵ფოტოგრაფი, რომელიც ცრუ ბრალდებით დაიჭირა სააკაშვილმა, დღეს სააკაშვილის სასამართლოს იღებს - გიორგი აბდალაძე

🔵„დავბრუნდი საქართველოში, სადაც შეიძლება მოვეკალი ისე, როგორც ზვიად გამსახურდია“ - სააკაშვილი

🔵„სექსმუშაკების 99% მიცნობდა, მიცნობდნენ მათი პარტნიორებიც“ - გიორგი ფხაკაძე