„აუქციონი ჩატარდა. რამდენადაც ჩემთვის ცნობილია, იყო გამჭვირვალე პროცესი. შესაბამისი პირობებით მოხდა ამ აუქციონის გამარჯვებულის გამოვლენა და ეს პირობები თუ არ ვცდები ტყის შენახვას გულისხმობს“, - ამ სიტყვებით გამოეხმაურა საპარლამენტო უმრავლესობის წევრი დავით მათიკაშვილი ოპოზიციის წარმომადგენელთა განცხადებებს, რომლებიც ბაკურიანში ტყის ნაწილის იჯარით გაცემას აპროტესტებენ.
„ანუ უფრო მეტ დანახარჯს გულისხმობს ტყის სიცოცხლის უნარიანობის გაზრდისთვის. გამჭვირვალობის მაღალი ხარისხი იყო და გაიმარჯვა იმ პირმა, რომელსაც ვალდებულება გადაეცა ამ ტყის მოვლის“, - აღნიშნა დავით მათიკაშვილმა.
