„ის, რომ ხალხმა გადაწყვიტა ევროკავშირში გაწევრიანება, არ ნიშნავს იმას, რომ კალიურანდი და კუბილიუსი მოვიდნენ, ჭკუა გვასწავლონ და შეურაცხყოფა მოგვაყენონ. ხალხი არ დათანხმებია იმას, რომ კუბილიუსი, კალიურანდი, გრეგოროვა და ასე შემდეგ, იყვნენ ჩვენი უფროსები. ხალხმა ევროკავშირში შესვლა გადაწყვიტა იმიტომ, რომ ჩვენ მასში ის წავიკითხეთ და დავინახეთ, სამართლიანი ქვეყნების გაერთიანება.“ - ამის შესახებ „ხალხის ძალის“ ლიდერმა, გურამ მაჭარაშვილმა, რადიო ფორტუნას ეთერში ისაუბრა.

„ხალხის ძალასთან“ ერთად საზოგადოებამ სიმართლეს ფარდა ახადა და იმ საერთაშორისო ძალებს, შიდა მტრებს, მავნებლებს, იმ უკრაინის „ნაცების“ ფილიალს დაანახა, რომ ვიცით თითოეული პუნქტი მათი მზაკვრული გეგმისა, რომელშიც ხელისუფლების აყირავება, მავნებლური, გენმოდიფიცირებული მთავრობის დაბრუნება და საქართველოს დამოუკიდებლობის საბოლოოდ დასამარება შედის“, - ამის შესახებ „ხალხის ძალის“ წევრმა დავით ქართველიშვილმა გადაცემა „ უცნობის კიდობანში“ განაცხადა

„პოლონურ კანონზე მძაფრი რეაქციის შემდეგ, გასაგებია რატომ არ უნდოდათ საქართველოს მიეღო „უცხოური გავლენების შესახებ", აღნიშნული კანონი საქართველოს სტრატეგიული პარტნიორების, არამეგობრულ ქმედებებს გამოააშკარავებდა“, - ასე ეხმაურება დემოკრატიული ცვლილებების ცენტრის ხელმძღვანელი დავით ჩიხელიძე „რუსული გავლენების შესახებ" პოლონეთში მიღებულ კანონს. 

„მიუხედავად წინააღმდეგობისა, საქართველო აუცილებლად მიიღებს კანდიდატის სტატუსს, პრემიერ მინისტრის და მთავრობის სწორი პოლიტიკა, დასავლეთს სხვა შესაძლებლობას არ დაუტოვებს“, - ამის შესახებ დემოკრატიული ცვლილებების ცენტრის ხელმძღვანელი დავით ჩიხელიძე Facebook-ზე წერს.

„ნებისმიერი საერთაშორისო ვიზიტი, სამთავრობო იქნება ეს თუ საპარლამენტო, არის ძალიან მნიშვნელოვანი“, - ამის შესახებ რადიო „ფორტუნას“ ეთერში „ხალხის ძალის“ ერთ-ერთმა ლიდერმა გურამ მაჭარაშვილმა განაცხადა. გურამ მაჭარაშვილი პრემიერ-მინისტრ ირაკლი ღარიბაშვილის გერმანიაში ვიზიტს გამოეხმაურა და აღნიშნა, რომ ქართულ პოლიტიკაში ბოლო პერიოდში საერთაშორისო ვიზიტები გახშირდა, რაც ევროკავშირის კანდიდატის სტატუსის მიღებისთვის ქვეყნის მზაობას ასახავს. 

გერმანიის ფედერალური კანცლერის ოფისი ოლაფ შოლცისა და ირაკლი ღარიბაშვილის შეხვედრის შესახებ ინფორმაციას ავრცელებს.

„საერთოდ, რაც უფრო მეტად იცავ საკუთარ ინტერესებს, მით უფრო მეტად ანგარიშგასაწევი ხდები სხვისთვის, რაც უფრო მეტად მონა ხარ და ფეხქვეშ ეგები სხვას, ნებისმიერ სიტუაციაში, განსაკუთრებით კი დიპლომატიასა და საერთაშორისო ურთიერთობებში, მით ნაკლებად გიწევენ ანგარიშს. ოპოზიციას დიპლომატია ის ჰგონია, რომ დამკვეთი რასაც გეტყვის, ის უნდა აკეთო და მონა უნდა იყო. დიპლომატია მონობა არ არის, ეს არის საკუთარი სახელმწიფოებრივი ინტერესების დაცვა დიპლომატიის დონეზე. აი, ეს არის საერთაშორისო ურთიერთობები, როგორაც წარადგინა ჩვენი ქვეყანა ჩვენმა დელეგაციამ“, - ამის შესახებ „ხალხის ძალის“ წევრმა, თამარ ჩიბურდანიძემ, ტელეკომპანია „პოსტივის“ ეთერში განაცხადა.

„მთელი ამ ხნის განმავლობაში, ჯერ საბჭოეთის ტყვეობაში, 70 წელი ხმას ვერ ვიღებდით, მანამდე - რუსეთის მონობაში და ბოლო 30 წელი, დამოუკიდებლები რომ გვგონია თავი, როგორც კი ვთქვით, რომ ჩვენთვის ეროვნული და სახელმწიფო ინტერესებია უპირატესი, დასავლეთი თურმე უკვე დავღალეთ“, - ამის შესახებ გადაცემა „პოლიტიკურ პოსტში“ „ხალხის ძალის“ წევრმა თამარ ჩიბურდანიძემ განაცხადა.

პარლამენტის თავმჯდომარე შალვა პაპუაშვილი ევროკომისიის წარმომადგენლის განცხადებას აფასებს იმის შესახებ, რომ რუსეთსა და საქართველოს შორის ფრენების აღდგენის საკითხი ცალმხრივი გადაწყვეტილება არ არის, რადგან ამას სჭირდება იმ ქვეყნის თანხმობა, სადაც თვითმფრინავი უნდა დაჯდეს.