მინდა ვიყვირო და ვიღრიალო, რომ ჩემი ფერია აღარ მყავს-შატილში დაღუპული ხატია ზაალიშვილის დეიდის ემოციური წერილი

  • 25 აგვისტო 10:22

შატილის გზაზე მომხდარი ავტოსაგზაო შემთხვევის შედეგად გარდაცვლილი გოგონას დეიდა სოციალურ ქსელში ემოციურ პოსტს აქვეყნებს.

როგორც ხატიას დეიდა წერს, მას ძალიან უყვარდა სიცოცხლე და მისი ძმის გამო ყველაფერს აკეთებდა.


„რა მწარეა დეის გულო ამ ტკივილის გაძლება, უშენობა დეი. მიხაროდა, რომ მირეკავდი და მეძახოდი – დეი მომენატრეო.


წახვედი და დამტოვე შენი ღიმილის, სითბოს და ჩახუტების გარეშე. სული მეწვის დეის გულო. ცხოვრება თითქოს დამთავრდა, რა ვუთხრა რით ვანუგეშო შენი გაუბედურებული მშობლები, შენი საამაყო ძმა, ან შენი ნამცეცა…


შენ ხომ უზომოდ გიყვარდა სიცოცხლე, შენ ხომ ყოველთვის მეუბნებოდი, რომ ჩემი დემეტრეს გამო ყველაფერს გავაკეთებო.


მტკივა იმის გაფიქრება, რომ ჩამოვალ და აღარ დამხვდები.


მინდა გულში ჩაგიკრა, როგორც ყოველთვის და გითხრა, რომ ჩემი გული და სული ხარ. ვაიმე, მინდა ვიყვირო და ვიღრიალო, რომ ჩემი ფერია აღარ მყავს.


იქნებ გაიგონო დეი, იქნებ დამიძახო და მითხრა, რომ მოგატყუესო დეი,” – წერს ხატია ზაალიშვილის დეიდა.


ინფორმაციისთვის, შატილში მომხდარი ავარიის დროს 23 აგვისტოს 17 ადამინი დაიღუპა


25 აგვისტო კი მთავრობამ გლოვის დღედ გამოცხადდა.