მიშას ჯინაზე აკეთებს ივანიშვილი, ხო?! საქმეა ახლა ეს? - ხათუნა ხოფერია

  • 13 ივლისი 20:21

ყოფილი დეპუტატი ხათუნა ხოფერია, სოციალურ ქსელში პოსტს აქვეყნებს და საქართველოს ექს პრეზიდენტ მიხეილ სააკაშვილსა და „ქართული ოცნების“ ლიდერის ბიძინა ივანიშვილის შესახებ წერს.

მისი თქმით, ივანიშვილი ყველაფერს სააკაშვილის გამო აკეთებს.


ხოფერიას ინფორმაციით, თუ სააკაშვილმა ეკლესიები დაანგრია ივანიშვილი აშენებს, თუ პრეზიდენტმა მოსახლეობას „ღიმილიანი საქართველო“ აჩუქა და კბილები დააძრო ივანიშვილმა C ჰეპატიტზე უმკურნალა.


„რა არის ახლა ეს? თქვა მიშამ, ახალგაზრდები ბუჩქებშიო. ხელიც კი გაიშვირა და მიუჩინა თავისი ადგილი!


არაო, თქვა ბიძინა ივანიშვილმა და ა, ტექნოლოგიური ინსტიტუტიო, ა, თანამედროვე ტექნოლოგიების განვითარების სამეცნიერო ცენტრიო! შედით და იმოღვაწევეთო!


საქმეა ახლა ეს? მიშას ჯინაზე აკეთებს ხო?!


დაყავდა მიშას მომღერლები და „ტანცორები“ შუკა-შუკა, შარა- შარა, მღეროდნენ, მაგრამ რას მღეროდნენ. „მიშა მაგარია“ „ჩემი გმირი გიწოდე“ და თავისი ადგილიც იცოდნენ!!!


არაო, ბიძინამ,  აგერ „ბლექ სიი არენაო“, გჩუქნითო, რასაც იზამთ ქენით, თავზე მაინც არ დაგაწვიმთო.


საქმეა ახლა ეს? ჯინაზეც შობა ხო?!


თქვა მიშამ, შენი ლამაზი ღიმილის ჭირიმე დეიდებო და ბიძიებოო, დააძრო ყველას კბილები, იცოდა, მაინც არაფერში სჭირდებოდათ…


კი იყვნენ მშივრები და გაღიმებულები!!


არაო, ივანიშვილმა! დააზღვია ყველა! C ჰეპატიტიანებ უმკურნალა. თლათ „კტარები“ გადაარჩინა! საქმეა ახლა ეს? ჯინასზე აკეთებს ხო?!


თქვა მიშამ, ეკლესია-მონასტერი აგერ 2000 წელია შენდება და თავზესაყრელად გვაქვსო! ვაჟკაცურად მიანგრია ფერიას მთაზე მშენებარე წმ. გაბრიელის ეკლესია და კიდევ რამდენი ასეთი ეკონომია გაუკეთა ქვეყანას.


არაო, თქვა ბიძინამ! აშენებს და აშენებს სალოცავებს! არემონტებს და არემონტებს! საქმეა ახლა ეს?! „ჯინაზე შობა ხო?!“ ახლა შევისვენებ! „თვარა, დავიღალე ამ ჯინიანი კაცის მხილებით!“- წერს ხოფერია.