გიორგი შაქარაშვილის საქმეში ზეციური არტილერია ჩართეს - ბასილ კობახიძე

  • 13 ივლისი 13:57

ყოფილი მღვდელი და პატრიარქის ყოფილი პრესმდივანი ბასილ კობახიძე, მეუფე იაკობის მიერ გიორგი შაქარაშვილის საქმის მიმართ გაკეთებული კომენატრის შემდეგ წერს, რომ ახალგაზრდა ფეხბურთელის საქმეში „ზეციური არტილერია ჩართეს“.

„გიორგი შაქარაშვილის საქმეში ზეციური არტილერია ჩართეს პროკურატურამ და შინაგან საქმეთა სამინისტრომ. მეუფე იაკობი დაიყენეს ადვოკატად და ალაპარაკებენ: პროკურატურა და შსს არავის აფარებს ხელსო. მრევლიც ფიქრობს, რახან ღმერთის წარმომადგენელი ამას ამბობს, მაშინ ეგრეაო, უფალმა უკეთ არ იცისო? ქრისტიანების ტვინებია დაჩიპული ასეთი ინფორმაციით: უზენაესი. ჭეშმარიტებაა. რასაც. ამბობს. ანაფორიანი. წვერმოშვებული. ტიპი. ეს ჩიპები უნდა ამოიღონ მაგათ“, - წერს ბასილ კობახიძე.



12 იანვარს ბოდბის ეპისკოპოსმა, მეუფე იაკობმა გიორგი შაქარაშვილის საქმესთან დაკავშირებით დასმული კითხვის საპასუხოდ განაცხადა, რომ მისი აზრით პროკურატურა და შსსხელს არავის აფარებს.


„სარალიძის ამბავმა აჩვენა, რომ არაფერი არ ჩაიფარცხება. თუ გამოძიებაა, ზერელედ არ უნდა გამოიძიო. მე ვერ შევამჩნიე ვერც პროკურატურას და ვერც შინაგან საქმეთა სამინისტროს ვიღაცას ხელს აფარებდეს. ახლა რაც მთავარია ითქვა, რომ ეს იყო მკვლელობა.


ჩემი გულის ტკივილი მინდა გამოვხატო, ვუსაძიმრებ გიორგი შაქარაშვილის სიკვდილს მთელ საქართველოს, არა მარტო ოჯახს. მინდა ჩემს ერში არსეთი რაღაცები აღმოიფხვრას. ვინც ჩაიდინა ვაჟკაცობა უნდა გამოვიდეს. რამდენს დაიჭერენ? ვთქვათ, ექვსმა კაცმა იჩხუბა ან რვამ, ათმა, ჩვიდმეტმა კაცმა, ყველა ხო ვერ მოკლავდა?!


მედიის მუშაობა არ მომეწონა, როდესაც ოჯახს მიცვალებული ჰყავს, ზედმეტად პოლიტიზირებული იყო. ჟურნალისტებმა ბევრი რამ გააკეთეთ, მაგრამ მე არ მგონია, რომ ეს ძიება აქამდე არ მისულიყო, არ მგონია ასე ყოფილიყო. ალბათ, გამოძიება უფრო ღრმადაც ჩავა და უბრალოდ გულსატკენია, რამდენი ადამიანი იღუპება. იჩხუბეს, დალიეს, ვინმე უფროსი რომ ყოფილიყო, იქნებ გაეშველებინათ კიდეც. ჩემი თხოვნა იქნება ნებისმიერი პირის მიმართ, რომ ოჯახის და გიორგის ტრაგედიას პოლიტიკოსები ნუ შეეხებიან. არ მოიტყუონ ეხლა ტელევიზიის დირექტორი ვარ ან რაღაცო,”- აღნიშნა მეუფე იაკობმა.


ცნობისთვის, 19 ივ­ნისს გი­ორ­გი შა­ქა­რაშ­ვი­ლის ოჯახ­მა ფეხბურთელის და­კარ­გვის შე­სა­ხებ შსს-ს მი­მარ­თა. პო­ლი­ცი­ამ, სა­მაშ­ვე­ლო სამ­სა­ხურ­თან ერ­თად, შე­ტყო­ბი­ნე­ბის მი­ღე­ბის­თა­ნა­ვე და­ი­წყო სამ­ძებ­რო სა­მუ­შა­ო­ე­ბი, რომელიც 4 დღე გაგრძელდა. მყვინ­თა­ვებ­მა ფეხ­ბურ­თელ გი­ორ­გი შა­ქა­რაშ­ვი­ლის ცხე­და­რი 21 ივნისს წყალ­ში იპო­ვეს.


შაქარაშვილის გარდაცვალების საქმეზე 17 პირია დაკავებული.


10 ივლისს პროკურატურამ გარდაცვლილი გიორგი შაქარაშვილის ცხედრის ექსპერტიზის დასკვნა გაავრცელა, რომლის თანახმად გიორგი შაქარაშვილის სიკვდილის მიზეზია ასფიქსია წყალში დახრჩობით.


ამავდროულად, პროკურატურის ინფორმაციით, გიორგი შაქარაშვილის ცხედარზე აღინიშნება სიკვდილის წინა ახლო პერიოდში მკვრივი-ბლაგვი საგნის მოქმედებით მიყენებული, სიცოცხლისდროინდელი დაზიანებები შუბლის/თავის, ორივე თვალბუდის, ზედა და ქვედა ტუჩის მიდამოებში, მარჯვენა იდაყვის სახსრისა და მარჯვენა წინამხრის მიდამოებში, აგრეთვე მუცლის, საზარდულის, ბოქვენის, წელისა და ორივე დუნდულოს მიდამოებში.


ექსპერტიზის დასკვნის მიხედვით, აღნიშნული დაზიანებები, იზოლირებულად აღებული, ატარებენ სხეულის დაზიანებათა მსუბუქი ხარისხის ნიშნებს.


საქმეზე გამოძიება დამამძიმებელ გარემოებებში ჯგუფურად განზრახ მკვლელობის, ჯგუფურად ძალადობის ორგანიზებისა და მასში მონაწილეობის და თავისუფლების უკანონო აღკვეთის მუხლებით მიმდინარეობს.