მაკრონი: საფრანგეთი არ დაანგრევს ძეგლებს და არ წაშლის ისტორიას

  • reuters.com
  • 14 ივნისი 23:42

„საფრანგეთი არ დაანგრევს ძეგლებს და არ წაშლის იტორიას“, - ეს განცხადება საფრანგეთის პრეზიდენტმა ემანუელ მაკრონმა დღეს, სატელევიზიო მიმართვის დროს გააკეთა. 

საფრანგეთის პრეზიდენტის თქმით, რასიზმთან ბრძოლამ არ უნდა გამოიწვიოს ისტორიის სიძულვილით გადაწერა, - ასეთია მაკრონის კომენტარი აშშ-ში პოლიციის მიერ ჯორჯ ფლოიდის მკვლელობის შემდეგ განვითარებულ მოვლენებზე.


ზოგიერთმა მომიტინგემ აშშ-სა და სხვაგან იერიში მიიტანეს ისტორიული ფიგურების ძეგლებზე, რომლებიც მონობასთან ან წარსულში სხვა ადამიანის უფლებების დარღვევასთან იყვნენ ასოცირებულნი.


პრეზიდენტმა ტელევიზიით გამოსვლაში ასე მიმართა მოსახლეობას: „ძალიან მკაფიოდ მინდა დავაფიქსირო, რომ საფრანგეთი არ წაშლის სახელებს ისტორიიდან და არ დაანგრევს ძეგლებს“.


საფრანგეთის მოსახლეობისადმი პრეზიდენტის დღევანდელი მიმართვა ეძღვნებოდა იმ შეზღუდვების შემსუბუქებას, რომლებიც ქვეყანაში კორონავირუსის პრევენციისთვის იყო დაწესებული.


 

სრული ვერსიის ნახვა reuters.com