რომელია ზოდიაქოს ნიშნის მიხედვით საუკეთესო დედა?

  • cosmo.ru
  • 8 ივნისი 18:39

 ამ სიაში ზოდიაქოს სამი ნიშანი ლიდერობს. როგორც ასტროლოგები თვლიან, სწორედ ეს ქალები არიან სტატისტიკურად საუკეთესო დედები.

მე-12 ადგილი - მერწყული 


რატომღაც ბოლო ადგილს ამ სიაში მერწყული ქალები იკავებენ. მერწყული დედის პრინციპია „რითიც უნდა, იმით გაერთოს ბავშვი, ოღონდ თავს რამე არ დაუშავოს“. ეს, რა თქმა უნდა, იმას არ ნიშნავს, რომ მერწყულებს, ზოგადად, არანაირი შეზღუდვა არ გააჩნიათ, თუმცა მათთვის ძალიან მოსაწყენია ერთი და იმავე მოქმედების გამეორება, რაც დედებს ხშირად უწევთ. ჩვილები და უმცროსკლასელები მერწყულების პირადი ჯოჯოხეთია, თუმცა 16 და მეტი ასაკის შვილებისთვის ის საუკეთესო დედაა მსოფლიოში. იმიტომ რომ მას სურს, იმეგობროს თავის შვილებთან და ეს საუკეთესოდაც გამოსდის.


მე-11 ადგილი - თხის რქა  


თხის რქები ტყავიდან ძვრებიან, რომ კარგი დედის სტატუსი მიიღონ. ისინი დაორსულებამდე უამრავ ლიტერატურას ეძებენ და ცდილობენ, შეიმუშავონ ბავშვის აღზრდის უნივერსალური სისტემა, რომელსაც შემდეგ ერთი ნაბიჯითაც არ გადაუხვევენ. თუმცა ამასობაში ავიწყდებათ, რომ მთელი ეს ლიტერატურა არამარტო ჩვილების აღზრდისთვისაა დაწერილი, არამედ, პირველ რიგში, გაყიდვისთვის.


მე-10 ადგილი - ლომი


გულის სიღრმეში ასტროლოგებიც აღიარებენ, რომ ლომის შვილები ყველაზე ბედნიერი ბავშვები არიან მთელ მსოფლიოში. იმიტომ რომ ლომში თავადაც პატარა ბავშვი ცხოვრობს: ის შესანიშნავად ერთობა ატრაქციოენბზე, აწყობს კონსტრუქტორებს, უშვებს საპნის ბუშტებს და სეირნობს ველოსიპედით. თუმცა დედობა მხოლოდ ბავშვებთან თამაში ხომ არ არის - მას უამრავი პასუხისმგებლობაც მოყვება თან, რომელთა შორისაც არის გაკვეთილების შემოწმება და ფაფის მომზადება. ლომებს კი საკუთარი თავისთვის დრო აღარ რჩებათ, რაც ძალიან მნიშვნელოვანია ამ ქალებისთვის.


მე-9 ადგილი - მორიელი


მეცხრე ადგილს ამ სიაში მორიელები იკავებენ. მათ თავიანთი შვილები ფანატიკურად უყვართ, მაგრამ მათგან უსიტყვო მორჩილებას მოითხოვენ. ამ მომთხოვნობას კი ისინი იმით ხსნიან, რომ დედას შვილებისთვის მხოლოდ კარგი სურს. პრობლემა ისაა, რომ ბავშვები მაგალითით იზრდებიან, მაგალითად კი, მორიელი დედა ჰყავთ. ასე რომ დედით მანიპულირების ხელოვნება მორიელის შვილებს ადრეული ასაკიდანვე აქვთ შეთვისებული, დედა ხომ უდიდესი მანიპულატორია ზოდიაქოს ყველა ნიშანს შორის.


მე-8 ადგილი - ვერძი


როგორც ცნობილია, ვერძი ქალები უკიდურესად ტემპერამენტიანები არიან, თუმცა პატარა ცელქების გამოჩენა მათ ცხოვრებას თავდაყირა აყენებს: ვერძებს ძალიან უნდათ, კარგი დედები იყვნენ, მაგრამ სამწუხაროდ ბავშვები არ აღმოჩნდნენ სათანადოდ კარგები! ისინი ძნელად ითვისებენ ვერძების შეგონებებს. ვერძის შვილები სწრაფად ეჩვევიან დედის სიფიცხეს და ხასიათის ცვლილებებს და სულ მალე ყურადღებას აღარ აქცევენ მშობლის გაბრაზებას. მათ ხომ გაბრაზება იმაზე სწრაფად უვლით, სანამ ბავშვი პირიდან ჭიანჭველის გამოღებას მოახერხებს.


მე-7 ადგილი - მშვილდოსანი 


მშვილდოსანი შვილების მეგობარია. ისინი არასოდეს იზრდებიან და ამოუცნობი მეთოდით ახერხებენ სამყაროს კვლავ ბავშვური მზერით უყურონ, ამიტომაც მშვილდოსანი დედის შვილების ბავშვობა ძალიან ბედნიერია. თუმცა მათი ბავშვობა ძალიან მალე მთავრდება, სულ მალე მშვილდოსნის თინეიჯერი შვილები უკვე აქეთ მიუთითებენ დედას საზოგადოებაში მიღებულ ნორმებზე და ჭკუასაც ხშირად არიგებენ.


მე-6 ადგილი - ქალწული


ამ სიაში ცენტრალურ ადგილს ქალწულები იკავებენ, რომლებიც შვილებს საერთოდ არ აღზრდიან. საერთოდ. არანაირად! ქალწულების აზრით, ადამიანები შეცდომებზე სწავლობენ, გარდა ამისა, მას ეჭვიც არ ეპარება, რომ მის შვილებს ინტელექტი და სიბრძნე დედისაგან გადაეცემათ. ასე რომ ერთი მხრივ, ქალწულის შვილები უკიდურესად თავისუფალი ადამიანები არიან მსოფლიოში, ხოლო მეორე მხრივ, კი უკვე გაზრდილი შვილები ხშირად საყვედურობენ დედას: „დედა, რატომ არ დამაძალე მუსიკის მეცადინეობა? რატომ მრთავდი სულ გართობის ნებას? რატომ არ დამიმალე სიგარეტი? ამ ყველაფერში შენ ხარ დამნაშავე!“


მე-5 ადგილი - ტყუპები


ტყუპი დედა დარწმუნებულია, რომ ბავშვებიც ისეთივე ადამიანები არიან, როგორც ყველა, უბრალოდ უფრო პატარები. და ცხადია, რომ ყველას თავისი უარყოფითი თვისებები აქვს. ასე რომ ტყუპები შვილებს თანასწორებივით ზრდიან. რასაც, ცხადია, ტყუპებისთვის გარკვეული სიძნელეებიც მოაქვს, თუმცა ბავშვები ნამდვილად ბედნიერები არიან. ცხადია იქამდე, სანამ დედას ნერვიულობის ფონზე თვალის თამაში არ დაეწყება და მეგობრიდან უეცრად ნამდვილი შინამტანჯველი „ფრეკენ ბოკის“ რეჟიმზე არ გადავა.


მე-4 ადგილი - კურო


კურო ერთი ადგილით ასცდა იდეალური დედების სამეულს - ის მშვენიერი, გამგები, კეთილი, ალერსიანი და სამართლიანი მშობელია. კურო დედები ხომ შესანიშნავად იცავენ ბალანსს მეგობრობასა და მშობლიურ ზრუნვას შორის. თუმცა ისინი ხშირად ნერვიულობენ ხოლმე ხომ არ აკლებენ ზრუნვას შვილებს, როგორ იცხოვრებენ ისინი, როცა გაიზრდებიან და ა.შ.


მე-3 ადგილი - თევზები


და, აი ისიც: საუკეთესო დედების სამეულს თევზები ხსნის, დედა, რომელიც სიამოვნებით იკისრებს დედობრივ მოვალეობებს, ისე, როგორც თბილი, მშობლიური ოკეანე: ისინი იმ დედათა რიცხვს მიეკუთვნებიან, რომლებმაც ბავშვის დაბადებისთანავე ზუსტად იციან, როგორ უნდა მოუარონ პატარას. დედობა მათ ინტუიციურად გამოსდით. ერთადერთი პრობლემა: თევზებს მუდმივად ჰგონიათ, რომ მათ პატარას ბრაზიანი ზვიგენები ემუქრებიან, ამიტომაც ისინი მუდმივად ღელავენ შვილებზე. თუმცა ეს ბავშვებზე სულაც არ ისახება: თევზებმა ხომ გადასარევად იციან, რომ შვილებს ნერვიულობა არ უნდა დაანახონ.


მე-2 ადგილი - სასწორი


ვერცხლის მედალი დედების სიაში სასწორს გადაეცემა - ქალს, რომელიც შვილებს სწორი მეთოდით ზრდის: საკუთარი მაგალითით. შესაბამისად, მისი შვილები კარგად აღზრდილები, თავაზიანები, ჭკვიანები, განათლებულები და წარმატებულები გამოდიან. მიუხედავად ასეთი თავდაუზოგავი შრომისა, სასწორები შვილების აღზრდით სულაც არ იღლებიან. რაშია მათი საიდუმლო? გიპასუხებთ: ვარსკვლავებმა დაალაგეს ასე. და კიდევ ყოველ საღამოს თითო ჭიქა ღვინომაც.


პირველი ადგილი - კირჩხიბი


აი, ვინ არის დედობის ნამდვილი ეტალონი! კირჩხიბისთვის შვილები ცხოვრების ერთადერთი აზრი იმ მომენტიდან ხდება, როცა მას თავისი პატარა პირველად აჰყავს ხელში. ამის შემდეგ მთელ თავის თავისუფალ დროსა და სიყვარულს კირჩხიბი დიდი სიხარულით გადასცემს შვილებს. მისი დედობრივი იდილია კი იქამდე გრძელდება, სანამ თავში არ დაარტყამს საშინელი აზრი: „პატარა გაიზარდა!“

სრული ვერსიის ნახვა cosmo.ru