ქმარი ორსული ცოლის სასტიკი წამებისთვის დააკავეს

  • newpost.ge
  • 26 ოქტომბერი 00:23

შიდა ქართლში მამაკაცი ფეხმძიმე ცოლს გახურებული რკინით, რეზინის მილებით და გაყინული წყლით 2 მცირეწლოვანი შვილის თანდასწრებით აწამებდა.

სასტიკი წამება შიდა ქართლში - მამაკაცი ფეხმძიმე ცოლს გახურებული რკინით, რეზინის მილებით და გაყინული წყლით მცირეწლოვანი შვილების თანდასწრებით აწამებდა. ძალადობის შესახებ ყველამ იცოდა, თუმცა ფაქტს არავინ ახმაურებდა.


დღეს მამაკაცი დაკავებულია, საქმეში მტკიცებულებები და ჩვენებებიც დევს, თუმცა როგორც ბრალდებულის, ასევე ძალადობის მსხვერპლის ახლობლები მამაკაცს ხელს აფარებენ.


პოლიციას დახმარებისთვის მისამართზე გამოძახებულმა სასწრაფომ მიმართა, რომელსაც სახლში დამწვარი და ნაცემი ახალგაზრდა ქალი დახვდა. მოძალადე მამაკაცი პოლიციამ უკვე დააკავა.


წყარო, რომელიც "კურიერს" ოჯახური ძალადობის მძიმე დეტალებს უყვება, საკუთარ წერილში აღწერს, რომ ახალგაზრდა ქალი არაადამიანური მოპყრობის მსხვერპლი ხშირად იყო.


"მთვრალი დავით ოქროპირიძე მეუღლეს არასრულწლოვანი შვილების თანდასწრებით რეზინის მილის და ღუმელის რკინის საჩხრეკის გამოყენებით სცემდა. ურტყამდა ფეხებში, ბოთლით ასხამდა ცივ წყალს სხეულის სხვადასხვა ადგილას."


იმის გამო, რომ ჩხუბის ფაქტებს 4 და 7 წლის ბავშვებიც ესწრებოდნენ, პროკურატურამ ისინიც გამოკითხა. საქმეში სოციალური მუშაკი ჩაერთო, რომელიც არასრულწლოვან ბავშვებთან მუშაობდა და მათ უფლებებზე ზრუნავდა.


29 წლის მამაკაცის წინააღმდეგ გამოძიება ერთდროულად 4 მძიმე მუხლით მიმდინარეობს. მათ შორის მოძალადე ქმარს წლების წინ ჩადენილ დანაშაულსაც ედავებიან - ის ფიზიკურად ცოლს ორსულობის დროსაც უსწორდებოდა.

სრული ვერსიის ნახვა newpost.ge