ოთარ ფარცხალაძემ ქვეყანა დატოვა

  • newpost.ge
  • 25 ოქტომბერი 22:19

"ბიძინას კადრია ესეც..."ოჯახს" ეძახიან, უჩამ ფარცხო"- მიტაცებული მილიონების ახალი ფიგურანტები. მასშტაბური ფინანსური სკანდალი - სახელმწიფო უსაფრთხოების სამსახურმა 100-დან 270 მილიონამდე თანხის მითვისების საქმეზე 38 ბიზნესმენი დააკავა.

არსებული ინფორმაციით, სუსი ყოფილ მთავარ პროკურორზე, ოთარ ფარცხალაძეზეც გავიდა, რომელიც "საუკუნის ძარცვის" სქემის ავტორად სახელდება.


საუბარია დამატებითი გადასახადის ჩათვლების ორგანიზებაზე. დანაშაულებრივი სისტემა ორი მიმართულებით მოქმედებდა. პირველ შემთხვევაში ხდებოდა ყალბი ექსპორტი, რის სანაცვლოდაც იმპორტირებული საქონლი დღგ იქვითებოდა. მეორე მიმართულება კი უფრო თავხედური იყო. კერძოდ, კარგად ორგანიზებულმა ჰაკერებმა შეაღწიეს შემოსავლების სამსახურის კომპიუტერებში და კომპანიებს ხელოვნურად დაარიცხეს ათობით მილიონი ლარის აქტივი. თითოქს სახელმწიფოს კომპანიების ვალი ჰქონდა.


"მთავარის" ინფორმაციით, საქმეზე 9 სისხლის სამართლის საქმეა აღძრული. თავდაპირველად მცირე ბიზნესის წარმომადგენლები დაიბარეს დაკითხაზე, თუმცა მასშტაბი მას შემდეგ გაიზარდა, რაც ბიზნესმენებმა ოთარ ფარცხალაძეს დაადეს ხელი.


ხელისუფლება იძულებული გახდა დაკავებები დაწყო. მთავარმა მოიპოვა სუს-ის თანამშრომლის მესიჯი, რომელიც მან "ქართული ოცნების" ერთ-ერთ ლიდერს მისწერა:


"ბიძინას კადრია ესეც და რომ დაიბარა სუს-ის ანტიკორუფციულმა მე რავი ძმაო. რასაც მეუბნებოდნენ იმას ვაკეთებდიო. ვინოვინდა ოჯახიო.


ოჯახს ეძახიანუჩა, ფარცხო."ოჯახი". მაფიოზური სახელია ოჯახი" - ეწერა sms-ში.


"მთავარი არხის" ინფორმაციით, ფარცხალაძემ საქართველო უკვე დატოვა.

სრული ვერსიის ნახვა newpost.ge