7 მაისს სუპერ სავსე მთვარეა - რა უნდა იცოდეთ ამ დღეზე?

  • facebook.com
  • 6 მაისი 10:07

7 მაისს სუპერ სავსე მთვარეა ამჯერად მთვარე მორიელში, მზე კი მერკურთან ერთად კუროშია.

ბოლოდროინდელი ასტროლოგიური მოვლენებისგან განსხვავებით, ეს სავსე მთვარე გაცილებით იმედისმომცემია. ნეგატიური ასპექტების გარეშე, მზის, მთვარისა და მერკურის ჰარმონიული კავშირი ნეპტუნთან დადებითად აისახება ჩვენს ემოციურ მდგომარეობაზე, გაიზრდება ურთიერთგაგება და გაძლიერდება ინტუიცია. ეს სავსე მთვარე ერთგვარად დაბნელების წინა განწყობასაც ქმნის და გვამზადებს იმ დიდი ცვლილებებისთვის, რომელსაც ზაფხული მოიტანს.


მორიელი პლუტონის ნიშანია, რომელიც რაღაცის დასრულებისაკენ და ხელისშემშლელი აზრებისგან თუ ემოციებისგან გათავისუფლებისკენ მოგვიწოდებს.


კურო მორიელის ოპოზიციის დროს ნიშვნელოვანი ხდება განსხვავებები მიწიერ, პრაქტიკულ, მშვიდობისმოყვარე კუროსა და ემოციურ, ცვლილებების მიმართ ღია, მისტიკურ მორიელს შორის. ემოციური კომფორტისა და სისავსისთვის კუროს სჭირდება მარტივი, ხელშესახები გადაწყვეტილებები და სტაბილურობა, მაშინ როდესაც მორიელი მუდმივად ემოციური ჭეშმარიტების ძიებაშია და ყველა საკითხს კომპლექსურად უდგება. კურო ცდილობს შეინარჩუნოს, მორიელი კი მზადაა შეცვალოს და მოიშოროს.


მორიელი ერთ-ერთი ყველაზე ინტუიციური ნიშანია, რომელსაც საკითხის არსში ჩასაწვდომად არ ეზარება სიღრმეებში ძვრომიალი და მიზეზ-შედეგობრივი კავშირების ანალიზი. სავსე მთვარე მორიელში გვაძლევს შანსს, ჩავუღრმავდეთ საკუთარ შიშებს, კომპლექსებსა და არასრულფასოვნების შეგრძნებას. არ დაგვავიწყდეს, რომ მორიელის მმართველი პლანეტა ქვესკნელის ღმერთად წოდებული პლუტონია, რომელიც ასტროლოგიაში ტრანსფორმაციასა და ქვეცნობიერის უმაღლეს ძალას უკავშირდება. ის მართავს ყველაფერს, რაც ზედაპირის მიღმა, სიღრმეშია დამალული. სავსე მთვარე ამ ნიშანში კი მშვენიერ შესაძლებლობას გვაძლევს, სინათლეზე გამოვიტანოთ ჩვენი ნეგატივი, გავაცნობიეროთ და ვაღიაროთ პრობლემები, შემდეგ კი მათ მოშორებაზე ვიმუშაოთ. მორიელი სწორედ ის ნიშანია, რომელიც არ უშინდება სიღრმეებსა და ყველაზე მტკივნეულ შეკითხვებზე პასუხების გაცემას.


დავივიწყოთ ძველი შოცდომები და მაქსიმალურად შევიყვაროთ საკუთარი თავი. გავთავისუფლდეთ ძველი წყენებისაგან და თვითგვემისგან. თუ საკუთარი თავის მიმართ ზედმეტი კრიტიკულობით გამოირჩევით, მთლიანად ნეგატიური დამოკიდებულების ნაცვლად, ეცადეთ, კონკრეტულ მხარეებზე კონცენტრირდეთ. მაგალითად თუ ზედმეტი წონა გაკომპლექსებთ, დაიწყეთ დიეტა და ვარჯიში, გააკეთეთ რამე მის შესაცვლელად. მაგრამ თუ მისი გამოსწორება შეუძლებელია, შეეგუეთ მდგომარეობას და შეიყვარეთ საკუთარი თავი ზუსტად ისეთი, როგორიც ხართ. საკუთარი თავის მიმართ დამოკიდებულება მნიშვნელოვნად განსაზღვრავს ჩვენს წარმატებასა და ბედნიერებას. გადავერთოთ პოზიტიურ სიხშირეზე.


მორიელის მმართველი პლანეტა თხის რქაში სატურნის ნიშანში უკუსვლით მოძრაობს. პლუტონი უკავშირდება ძალაუფლებას, სატურნი კი კონტროლს. მაშინ, როდესაც მორიელის სავსე მთვარე პლუტონის ენერგიას უფრო ძლიერს ხდის, იდეალური დროა იმაზე დასაფიქრებლად, ვინ არის მმართველი ჩვენს ცხოვრებაში, ვინ იღებს გადაწყვეტილებებს, რამდენად დამოუკიდებელი ვართ არჩევანში და ვის ვაძლევთ ჩვენს ცხოვრებაში ჩარევის უფლებას. პლუტონი არის ტრანსოფრმაციის ძალა, სატურნი კი თავისი კონკრეტიზაციისა და პროცესების შეყოვნების უნარით გამოირჩევა. ეცადეთ, კონკრეტულ საკითხებზე კონცენტრირდეთ და ცვლილებები მშვიდად დაგეგმოთ. საკუთარ თავში ჩაღრმავება და თვითანალიზი ორმაგად საჭირო და აუცილებელია ახლა სწორედ პლუტონის რეტროგრადულობის გამო. დაუბრუნდით ძველ, დაუსრულებელ საკითხებს, როგორც მატერიალურს, ისე ფსიქოლოგიურს და მოიშორეთ ყველაფერი, რაც ზედმეტია. მოახდინეთ საკუთარი თავის “კორექცია”. გასული პერიოდის განმავლობაში საკმაო დრო გვქონდა იმისათვის, რომ გვეფიქრა, დავრჩენილიყავით მარტო საკუთარ თავთან, აღგვედგინა ძალები და გაგვეკეთებინა საჭირო დასკვნები. გამოვიყენოთ ეს ენერგია წერტილების დასასმელად, ნეგატივისგან გასათავისუფლებლად და ცხოვრების ასე თუ ისე, ახლიდან დასაწყებად.


⭐აუცილებლად უნდა აღვნიშნოთ კიდევ ერთი უმნიშვნელოვანესი ასტროლოგიური მოვლენა - ჩრდილოეთ და სამხრეთ კვანძებმა ესესაა შეიცვალა ნიშნები და კირჩხიბი/თხის რქადან ტყუპებისა და მშვილდოსნის ღერძზე გადაინაცვლა. თუ კირჩხიბი საკუთარ თავში ჩაღრმავებისა და თვითანალიზისკენ მოგვიწოდებდა გასული თითქმის ერთი წლის განმავლობაში, ტყუპები უკვე მეტ კომუნიკაბელურობას, მოქნილობასა და სწავლას „გვაიძულებს“. მშვილდოსანი და ტყუპები მუტაბელურ ნიშნებს განეკუთვნება. შესაბამისად, ცვლილებების მიმართ ღიაობა მომდევნო თვეების განმავლობაში აუცილებლად დაგვჭირდება. მოგვიწევს მოვერგოთ რაღაცას, შევცვალოთ დამოკიდებულებები, დავინახოთ კონკრეტული საკითხები განსხვავებულად, ვისწავლოთ რაღაც ახალი, გავიცნოთ ახალი ადამიანები და გავიზარდოთ მენტალურად. კვანძების ასეთი მდებარეობა მთლიანად დედამიწაზე შეცვლის ვიბრაციას, რომელიც ისევ დაგვაბრუნებს აქტიურ სოციალურ კავშირდებთან, ეტაპობრივად დავუბრუნდებით ოფისებს, კაფე-რესტორნებსა და სხვა თავშეყრის ადგილებს. აღდგება ასევე სატრანსპორტო მიმოსვლაც, ვინაიდან სწორეს ტყუპების მმართველი პლანეტა მერკურია პასუხისმგებელი ამ სფეროზე. ეს კი უფრო მეტად თვალშისაცემი გახდება მისი საკუთარ ნიშანში გადასვლის შემდეგ (12 მაისიდან).


უშუალოდ 6-8 მაისს მოჭარბებული ენერგიის გამო, მოერიდეთ კონფლიქტურ სიტუაციებს, ალკოჰოლის ჭარბი დოზით მიღებას და მეტი სიფრთხილე გამოიჩინეთ ავტომობილის მართვისას. 7 მაისიდან მომდევნო 2 კვირის განმავლობაში იდეალური დროა დიეტისთვის, ზედმეტი ნივთებისა და აკვიატებული აზრების მოსაშორებლად. კარგია ასევე მავნე ჩვევების მოშორებაზე მუშაობაც.


ზემოთ აღწერილი ტენდენციები ზოდიაქოს ყველა ნიშანს ეხება, თუმცა თუ თქვენს რუკაში მზე, მთვარე, პლანეტები ან სხვა მნიშვნელოვანი წერტილები (ASC, DSC, IC, MC) ფიქსირებული ნიშნების (კურო, მორიელი, ლომი, მერწყული) 12-22 გრადუსებს შორის აღინიშნება, სხვებთან შედარებით მეტად იგრძნობთ სავსე მთვარის გავლენას.

სრული ვერსიის ნახვა facebook.com