ღამით ოფლიანობის 5 მიზეზი

  • 29 მარტი 21:38

თუკი ღამე ხშირად გაღვიძებთ ოფლიანობა და ფიქრობთ, რომ უმიზეზოდ ოფლიანობთ, სინამდვილეში მიზეზი, რა თქმა უნდა, არსებობს - აი, რამდენიმე მაგალითი ამაში დასარწმუნებლად.

1. ალკოჰოლი

ძალიან ბევრი თუ ცოტა - ორივე ვარიანტი შეიძლება გახდეს ღამის ოფლიანობის მიზეზი. ალკოჰოლი მოქმედებს ცენტრალურ ნერვულ სისტემაზე და, ფაქტობრივად, სხეულის ყველა ნაწილზე. სპირტი აჩქარებს პულსს და აფართოებს სისხლძარღვებს. თუკი ორგანიზმი ამ ნიშნებზე მიგანიშნებთ, მიირთვით დიდი რაოდენობით წყალი.

2. დაავადებები და წამლები

ღამის ოფლიანობა, შესაძლოა, დაავადებებსა და მედიკამენტებს უკავშირდებოდეს. ყველაზე ხშირად ამის მიზეზი ვირუსული ინფექცია ან გრიპია, როდესაც მატულობს ტემპერატურა და ორგანიზმი დაავადებას ებრძვის. ოფლიანობა ზოგჯერ დიაბეტზე ან ფარისებრი ჯირკვლის ჰიპერფუნქციაზე მიანიშნებს. ოფლიანობას იწვევს ანტიდეპრესანტებიც და სხვა პრეპარატებიც.

3. სტრესი

ხშირად სტრესი გარეგნულად არ შეინიშნება, მაგრამ სხვადასხვა სიმპტომებით გამოიხატება. მათ შორის, ოფლიანობითაც. სტრესისგან გათავისუფლება შესაძლებელია სუნთქვითი ვარჯიშებით, მედიტაციით, იოგითა და სპორტით.

4. სპორტი

ვარჯიშის დროს ორგანიზმში წარმოიქმნება სითბო, რომელიც თანდათანობით გადის სხეულიდან, მათ შორის ძილშიც.

5. მატრასი და თეთრეული

მათი შემადგენლობიდან გამომდინარე ორგანიზმი ხშირად ხურდება, რაც იწვევს ოფლიანობას. სხეულის გარშემო აუცილებლად უნდა ტრიალებდეს ჰაერი, ხოლო საძინებელში უნდა იყოს სიგრილე. თუკი თქვენს საძინებელში საკმარისზე მაღალი ტემპერატურაა და თეთრეულიც არ გაძლევთ ღამით მოსვენების საშუალებას, ახლა უკვე იცით მიზეზი და აუცილებლად გაითვალისწინეთ.

წყარო