"ემიგრანტებო დაბრუნდით, მერე შეიძლება ჩემოდნებიც ვერ ჩამოიტანოთ!"

  • 26 მარტი 10:56

საპატრიარქოს პრესსამსახურის უფროსი, მამა ანდრია ჯაღმაიძე სოციალურ ქსელში იმ ადამიანებს მიმართავს, რომლებიც პატრიარქს მისი გამონათქვამების გამო აკრიტიკებს.

 


"დღეს ბევრი იხსენებს პატრიარქის არაერთ ნათქვამს, როდესაც მას აკრიტიკებდნენ:


ემიგრანტებო დაბრუნდით, მერე შეიძლება ჩემოდნებიც ვერ ჩამოიტანოთო;


სოფელში მცირე მიწის ნაკვეთი შეინარჩუნეთ, დაგჭირდებათო;


სოფლის მეურნეობის საქმე შეისწავლეთ, გამოგადგებათო;


ხელი ხშირად დაიბანეთო;


იფიქრეთ ისე, თითქოს მეორედ მოსვლამდე რამდენიმე დღე იყოს დარჩენილიო;


ოჯახებისთვის მოიცალეთო;


სცოდნია თურმე რასაც ამბობდა?


რამდენიმე თვის წინ ამბობდა, ვხედავ დაცარიელებულ ქალაქებს და შენობებში გამოკეტილ ხალხს, რომლებიც დახმარებას ითხოვენო. ეს ხმამაღლა აღარ უთქვამს, მაინც ცოტა დარჩა ვინც ამას შეისმენდა. ახლა თქვა ღმერთს არ დაშორდეთ ისე შეასრულეთ ექიმების რეკომენდაციებიო, თქვა დაგვიფარავს უფალიო, ისევ იცინოდნენ.


ახლა მგონი თანდათან სიცილის ხასიათი გვეკარგება და ამას ისევ პატრიარქს ვაბრალებთ?! იქნებ მართლა, ზოგმა მეტად ზოგმა ნაკლებად, ვისაც როგორ შეგვიძლია, ვილოცოთ და ღმერთს არ განვეშოროთ?


ამ საერთო პრობლემის წინაშე მაინც, სულ ცოტა ერთმანეთის გაკიცხვას თავი დავანებოთ, ემიგრაციაში მყოფთაც, ბოლნისელებსაც და მარნეულელებსაც ვუსურვოთ სიკეთე, ერთმანეთს შენდობა ვთხოვოთ და გამოჯანმრთელება დავიწყოთ სულიერი ვირუსების განკურნებით“ – წერს ანდრია ჯაღმაიძე.


ასევე დაგაინტერესებთ:


რისკ-ჯგუფს ეკლესიების მოძღვრები წარმოადგენენ


მამა გიორგი: გავბედავ და ვიტყვი, რომ ხატზე, ჯვარზე მთხვევით და ზიარებითაც სრულიად შესაძლებელია გავრცელდეს ვირუსი


როგორ იცვლებოდა სხვადასხვა ეპიდემიის დროს ეკლესიის წესები


ვინ არის სასულიერო პირი, რომელიც სამსახურის გარეშე დარჩენილი ოჯახებისთვის პურს აგროვებს