ამაზონის აუზში აღმოჩენილი ელექტრონული გველთევზა 860 ვოლტს გამოიმუშავებს

  • 1tv.ge
  • 12 სექტემბერი 18:56

ამაზონის აუზში მეცნიერებმა ორი სრულიად ახალი სახეობის ელექტრული გველთევზა აღმოაჩინეს; ერთ-ერთ მათგანს რეკორდული ელექტროშოკის გამოწვევა შეუძლია.

მკვლევართა განცხადებით, ეს აღმოჩენა კიდევ ერთხელ ადასტურებს ამაზონის წვიმის ტყის წარმოუდგენელ მრავალფეროვნებას ჯერ კიდევ უცნობი მრავალი სახეობით და ნათლად აჩვენებს, რატომ უნდა დავიცვათ ეს რეგიონი განადგურებისგან.


კვლევის ავტორის, სმიტსონის ბუნების ისტორიის ეროვნული მუზეუმის ზოოლოგის, დავიდ დე სანტანას თქმით, მიუხედავად ბოლო 50 წლის განმავლობაში ადამიანის მიერ ამაზონის წვიმის ტყისათვის მიყენებული დიდი ზიანისა, იქ მაინც ხერხდება აქამდე უცნობი სახეობების აღმოჩენა, როგორიც ეს ორი გიგანტური ელექტრული გველთევზაა.


დე სანტანას განცხადებით, ეს კვლევა მიუთითებს, რომ ამაზონის წვიმის ტყეში ჯერ კიდევ ძალიან ბევრი სახეობაა აღმოსაჩენი, რომელთაგან მრავალი შეიძლება არაერთი დაავადების წამალს მალავდეს ან შთაგვაგონოს ტექნოლოგიური ინოვაციები.


ელექტრულმა გველთევზამ, რომელიც უფრო თევზია ვიდრე გველი, მეცნიერებს შთააგონა პირველი ელექტრობატარეის დიზაინი.


საუკუნეების განმავლობაში მიიჩნეოდა, რომ დიდი ამაზონიის რეგიონში, რომელიც ბრაზილიის, სურინამისა და გაიანის ტერიტორიებს მოიცავს, ელექტრული გველთევზას მხოლოდ ერთი სახეობა არსებობდა.


 

სრული ვერსიის ნახვა 1tv.ge