"ყოველ დღე მიხარია რომ სწორ ადამიანთან მომახვედრა ღმერთმა" - ნუკი კოშკელიშვილი

  • 25 აგვისტო 17:59

"ყოველ დღე მიხარია რომ სწორ ადამიანთან მომახვედრა ღმერთმა"-ამის შესახებ ყოფილი ტელეწამყვანი ნუკი კოშკელიშვილი ინსტაგრამის პირად გვერდზე წერს. 

ასე შვიდი წლის წინ, ბენამდე ბევრად უფრო ადრე მყავდა ერთი შეყვარებული. ძალიან მომწონდა და რასაც იძახდა ყველაფრის მჯეროდა. ახლა ამას რატომ გიყვებით, ერთხელ მახსოვს ვდიეტობდი თუ მოვიმატე რაღაც რიგითი ბრძოლა წონასთან მქონდა,როცა მომიტრიალდა და მითხრა, “აუ ნეტავ რას წვალობ ამდენს,შენ ბავშვს რომ გააჩენ ისე გასივდები,აღარაფერი გიშველის”-ო. აი ვითომ ხუმრობით, ვითომ “ყველაფერი ვიცი,ამდენი მიცხოვრიას” ჭრილში მომახსენა. აუუუუ მე დავიგრუზე!!! ჯერ ხო ეს ტიპი ეგრევე შემზიზღდა, მანდ ხო ეგრევე ფიქრები გაქვს, თუ ასე ფიქრობს ანუ ჩემთან არც აპირებს ყოფნას, თუ აპირებს და მე რაში მჭირდება. ეს ბიჭი გაქრა მალევე ჩემი ცხოვრებიდან... მაგრამ კომპლექსი დამრჩა.. მთელი ორსულობა იმაზე ვფიქრობდი იქნებ მართალი იყო თქო(თან არ იყო შტერი კაცი,მართლა ჭკვიანი იყო) რაც კიდევ უფრო ამძაფრებდა ჩემს კომპლექს. ბენს ვეუბნებოდი, აუ ასე რომ დავრჩე პუტკუნა თქო. იმას ეცინებოდა და მეუბნებოდა ასეთი კიდევ უფრო მიყვარხარო, მაგრამ თუ მოინდომე მთებს გადადგავ და წონის დაკლება რა გახდაო.. ამით იმის თქმა მინდა რომ წონა იქით იყოს, მნიშვნელოვანია გვერდში გყავდეს ადამიანი რომელსაც სჯერა შენი, გამხნევებს, ძალას გაძლევს. ყველაფერში!!! ეს მხოლოდ წონას არ ეხება. მგონია რომ სიყვარულიც სწორად ეს არის, იყო იმ ადამიანის მთავარი ქომაგი და სტიმული,კედელი და ძალა. ყოველ დღე მიხარია რომ სწორ ადამიანთან მომახვედრა ღმერთმა(სამყარობ, ბედმა), რაც გინდათ ის დაარქვით. ის ბიჭი არ ვიცი მკითხულობს თუ არა. არავინ დააკომპლექსოთ მეგობრებო, თორე ჩემსავით გულში ჩაიდებენ და არ დაგივიწყებენ",-წერს კოშკელიშვილი.