17 აგვისტოს ასტროლოგიური პროგნოზი

  • 16 აგვისტო 22:40

რას გვირჩევენ ვარსკვლავები 17 აგვისტოს ჯანმრთელობის, ბიზნესისა და სიყვარულის მიმართულებით?

ვერძი


დასვენებისა და ენერგიის ახალი წყაროების მოძიების დღეა, რომელიც ხელსაყრელია ერთობლივი ღონისძიებებისა და კოლექტიური დასვენებისთვის. დღის პირველ ნახევარში ოჯახური საქმეები და პირადი ხასიათის პრობლემები გელით. ცუდი შეტყობინება ვითარებას უკიდურესად დაძაბავს. ეცადეთ, მეტი დრო გაატაროთ სუფთა ჰაერზე. საღამოს მოსალოდნელია კამათი მეუღლესთან ან შვილებთან.


კურო


ხელსაყრელი დღეა. შესაძლოა, იმ პრობლემის გადაჭრა შეძლოთ, რომელიც ბოლო დღეებში ძალიან გაწუხებთ. წარმატება და აღიარება გარანტირებულია, თუ მომხდარის ობიექტურად შეფასებას შეძლებთ. შესაძლოა, ახლობელმა ადამიანმა ფასდაუდებელი სამსახური გაგიწიოთ და მის ერთგულებაში კიდევ ერთხელ დარწმუნდეთ.


ტყუპები


საშიში დღეა, რომელსაც ცრუ მოლოდინი, ილუზიები და ტყუილები ახლავს. გამორიცხული არ არის ცუდი ამბავი. ყოველ შემთხვევაში, მზად იყავით ყველაზე უარესისთვის. ერიდეთ ბნელ ადგილებს და სარკეში ჩახედვას. კარგი იქნება, თუ ამ დღეს ახალ საქმეს არ დაიწყებთ. ყურადღება მიაქციეთ საკვების ხარისხს - არსებობს მოწამვლის ალბათობა.


კირჩხიბი


შესაძლოა, პირადი ხასიათის პრობლემების მოგვარება შეძლოთ, თუმცა ოცნების ასრულებას ვერ შეძლებთ. წარმატებას მხოლოდ მომხდარის რეალური და ობიექტური შეფასება მოგიტანთ.


ლომი


ახალი იდეები და მოქმედებები, რომლებიც მატერიალური კეთილდღეობის გაუმჯობესებისკენ არის მიმართული, სასურველ შედეგს მოგიტანთ. ხელსაყრელი დღეა აქტიური ფიზიკური დატვირთვისა და კოლექტიური ღონისძიებებისთვის. მოსალოდნელია პრობლემები ოჯახურ ურთიერთობებში და უთანხმოება პარტნიორებთან.


ქალწული


არახელსაყრელი დღეა. მოსალოდნელია სირთულეები ოჯახურ ურთიერთობებში ან პარტნიორებთან უთანხმოება. ამ დღის ნეგატიური ტენდენციების განეიტრალებას მხოლოდ თქვენი წინდახედულება და ობიექტურობა შეძლებს. ვარსკვლავები ქალებს რომანტიკული ურთიერთობის სწრაფი დასრულების შესახებ აფრთხილებენ.


სასწორი


ამ დღეს ხელსაყრელია სპორტი და ფიზიკური ვარჯიში, სუფთა ჰაერზე სეირნობა. გირჩევთ, სხვების მოსაზრებებს ნუ დაეყრდნობით და დახმარებას ნურავისგან ელით. უარს ნუ იტყვით თხოვნის შესრულებაზე. საყვარელ ადამიანთან ურთიერთობას მოაგვარებთ, თუმცა ეცადეთ, დაუფიქრებელი სიტყვით არ გაანაწყენოთ.


მორიელი


მორიელებს, რომლებმაც მოქმედების გეგმა დამოუკიდებლად შეიმუშავეს, წარმატება ელით. სურვილი გაქვთ, რომ ვინმეს საკუთარ პრობლემებზე ესაუბროთ. ვარსკვლავები გაფრთხილებენ, რომ ამან შეიძლება იმედგაცრუება მოგიტანოთ. ნუ იქნებით ზედმეტად მიმნდობი. გამორიცხული არ არის პირად ცხოვრებაში ნეგატიური ცვლილებები.


მშვილდოსანი


შესაძლოა, პირადი ხასიათის პრობლემები გადაჭრათ, რომლებიც ბოლო დღეების მანძილზე თან გდევთ. წარმატება და აღიარება იმ შემთხვევაში გელით, თუ თქვენი მოქმედება გრძნობებსა და სიმართლეზე იქნება დაფუძნებული.


თხის რქა


არახელსაყრელი დღეა. თქვენი მცდელობა სასურველ შედეგს ვერ მოგიტანთ. შეამცირეთ კონტაქტები და ახალი ნაცნობობა. ოჯახის წევრებთან ან პარტნიორებთან მოსალოდნელია სირთულეები. ვერძების ან ტყუპების მხრიდან საფრთხე გელით.


მერწყული


ამ დღეს ნებისმიერ საქმიან ოპერაციაში წარმატება გელით. ბედი რაღაც მნიშვნელოვანის შესახებ გაფრთხილებთ, ამიტომ თვალი ადევნეთ მინიშნებებს.


თევზები


რთული დღეა. ეცადეთ, ნაკლები იაქტიუროთ და სიმშვიდე შეინარჩუნოთ. სიბრძნე და გამძლეობა გმართებთ. კარგი იქნება, თუ გამოცდილი ადამიანების რჩევას გაითვალისწინებთ. უარს ნურავის ეტყვით სურვილის შესრულებაზე.