რას გააკეთებს ეროვნული ბიბლიოთეკა რუსეთის პრეზიდენტის მიერ შეცვლილი ისტორიის საპასუხოდ

  • 12 ივლისი 12:00

ეროვნულ ბიბლიოთეკაში კარტოგრაფიის მუზეუმ-კაბინეტი გაიხსნება, სადაც საუკუნეების განმავლობაში შექმნილი საქართველოს რუკები იქნება გამოფენილი. 

ამის შესახებ, ეროვნული ბიბლიოთეკის დირექტორი გიორგი კეკელიძე სოციალურ ქსელში წერს.


კაბინეტის გახნის მთავარ საბაბად კი რუსეთის პრეზიდენტი ვლადიმირ პუტინის მიერ საქართველოს ისტორიის ინტერპრეტირებული ვარიანტი იქცა.


“ეროვნული ბიბლიოთეკა პუტინის ინტერპრეტაციის კვალად, ძალიან მალე გახსნის კარტოგრაფიის მუზეუმ-კაბინეტს, სადაც საუკუნეების განმავლობაში შექმნილი საქართველოს რუკები იქნება წარმოდგენილი – მათ შორის პირდაპირ თუ ირიბად რუსეთის მიერ დადასტურებული. ამ კაბინეტში მოვიწვევთ ელჩებს საქართველოში და მოვიყვანთ ყველა უცხოელ სტუმარს. ამავდროულად შეიქმნა კაბინეტის ელექტრონული ვერსიაც”, – წერს გიორგი კეკელიძე.
​9 ივლისს, ვლადიმირ პუტინმა უარი თქვა საქართველოს ახალი სანქციების დაწესებაზე, მან ამ უარის მიზეზად „ქართველი ხალხისადმი პატივისცემა“ დაასახელა და ჟურნალისტებს საქართველოს ისტორიის მისეული ვერსიაც უამბო – გაყალბებული თარიღებითა და ფაქტებით.